'Humanitarian' ceasefire
Temporaryong gihunong sa militar ang opensiba batok sa mga sakop sa ISIS- inspired Maute group sulod sa walo ka oras kagahapon aron paghatag og igong panahon sa mga Muslim sa dakbayan sa Marawi sa pagsaulog sa relihiyusong piyesta sa Eid'l Fitr.
Si Lt. Col. Jo-Ar Herrera, tigpamaba sa Joint Task Force Marawi, niingon nga ang "humanitarian pause" nagsugod sa alas 6:00 sa butag ug motapos sa alas 2:00 sa hapon.
Atol sa ceasefire, militar wala molusad og airstrikes ug wala mopabuto sa ilang armas.
Ang Eid'l Fitr timaan sa pagtapos sa 30 ka adlaw nga puasa o Ramadan, diin ang mga Muslim dili mokaon sa adlaw ug nagtutok sa panahon sa pag-ampo.
Si Western Mindanao Command chief Lt. Gen. Carlito Galvez Jr., ningon nga ang Eid'l Fit'r pagasaulogon sa Marawi sa Dominggo o kagahapon.
"To give reverence to the supposed peaceful, joyous and festive spiritual celebration, the AFP upon the approval of the AFP [chief of staff] declares a stop in our current operations in the city on that day to serve as a gesture of our strong commitment and respect to the Muslim world particularly to the local Muslims of Marawi City," matod ni Galvez.
Matod niya nga libkason dayon ang ceasefire kon: madihado ang seguridad sa tropa, kaluwasan sa sibuilyan gihulga, ug kon ang mga kaaway mag-unan sa pagpamusil busa mobalos aron pagpanlipod.