Mayor Gullas nakig-alyon sa MIG batok sa terorismo

Nakigtagbo si Mayor Eduardo Gullas sa mga representanti sa Military Intelligence Group (MIG) uban sa mga barangay kapitan kini aron tukion ang planong pagpangataki sa mga terorista lukop nasod.

Una niini migawas ang report nga adunay plano ang Maute group ug mga teroristang Moro sa nasod nga mohimog pagpamomba karong Hunyo 30 gamit ang mga mga LPG truck ug mga sakyanan sa gasoline.

Apan ang kapulisan ug militar wala mikompirmar ug wala usab moangkon nga tinuod ang maong taho, hinuon nanawagan sa katawhan nga dili mokompyansa.

Si Gullas miingon nga atol sa ilang pagpakitagbo sa mga

intelligence community walay hulga sa dakbayan sa Talisay. Samtang, ang mga Muslim

community nga nagpuyo sa Talisay iyang gihulagway nga mga maayong tawo ug misaad usab nga motabang sila sa siyudad aron mamintinar ang kahusay ug kalinaw.

Sa iyang bahin, ang presidente sa Association of Barangay Council, Raul Cabañero, niingon nga atol sa ilang tigum ilang nakita nga dili angayang kabalak-an ang ilang siyudad, apan sama sa gihapon dili sila angayang molugak sa ilang pagbantay.

Gani ila namang gilig-on ang ilang Barangay Intelligence Network (BIN) sa 22 ka mga barangay sa siyudad.

"Atong gi- activate ang BIN ug nagpuno sad mi ug mga taw among kasaligan sa information," matod ni Cabanero.

Samtang sila usab nga mga barangay opisyal kinahanglan nga daling motaho ug mosusi labot sa presensya sa mga kadudahang tawo. "First line defense sa kapitan. Para dili makasuld terrorista kung naa sighted person adto sa barangay kaptain to check and validate," dugang ni Cabanero.

Sa Talisay, daghang Muslim ang anaa Barangay Tabunok, Tanke ug Bulacao.