Kabalaka batok BRT
Misulat og mobarug ako sa ipahigayon nga public hearing aron ipalanog sa katawhan sa Sugbo ang dakung pangutana kon gikinahanglan ba gayud nato ang Bus Rapid Transit (BRT)? Dili ba kita mabalaka sa sangputanan ubos sa mga pangu- tana:
Una, gikinahanglan ba nato pamutlon kon e-earthball ang libuan ka mga kahoy? Unsa man ang mahitabo sa Jones Avenue kun ugaling ma-opao na kini sa kakahuyan? Dili ba mawadan na kita og kapasilongan ubos niining naglagiting nga kainit sama karon?
Ikaduha, isakripisyo ba nato ang panginabuhian sa libuan ka mga draybers og operators nga maapektuhan?
Ikatulo, dili ba kini makamugna'g perwisyo og kalisod sa atong ga lakaw batok sa lima ka tuig nga tagal pagtrabago sa BRT?
Ikaupat, kasulbaran ba ang BRT sa atong trapik? Dili ba kaha makapasamot lang kini sa problema? Sama sa Metro Manila nga anaa na nila nga tanan LRT, BRT ug uban pa.
Tungod niining mga katarungan, dili ba kaha makawang lamang ang atong binilyon nga investment sa BRT? Basin unya pasakaan ang mag buwis og mga multahan?
Subo kaayong palandungon kining kawalay kasiguruhan sa unahan. Aron dili kita mahinayak dapat unta tutukan una nato ang pagpangitag mga paagi kun unsaon sa pagresolba sa mgha sakyanan sa kadalanan.
Pananglitan diri sa naghuot nga dalan sa Mango Avenue, nga kon maadlaw nga Domingo, luag og hanoy man kaayo ang dagan sa mga sakyanan, wala'y trapik.
Mao unta kini ang gusto nato nga makab-ot. Mahitabo lamang kini sa kooperasyon sa tanan. Una, pinaagi sa tinuoray nga pagregulate sa mga sakyanan. Makatabang usab ang “Add Even Scheme” og aron kini mapatuman, gikinahanglan ang “Strong” politikal will gikan sa LTO ug LTFRB sa maong lagda.
Basi sa maong pagsulay, mamasin kita nga moluag ug maarang ang trapik, seguro wa na kinahanglana ang BRT.