MOKAWAT OG ATENSYON
Nagtinguhang makakawat og atensyon ang batan-ong boksidor sa General Santos City nga si Jonel Dapidran sa undercard sa panagharong nila ni Filipino boxing
icon Manny Pacquiao ug Australian Jeff Horn karong Hulyo 2 sa Suncorp Stadium sa Brisbane, Australia.
Si Dapidran, 19, kinsa igagaw ni Pacquiao og tagurha, makigharong kang Australian Brent Dames sa usa ka sixround junior welterweight bout.
Mao kini ang labing unang away ni Dapidran sa gawas sa Pilipinas.
“Yung tatay ko at yung nanay (Mommy D) niya magpinsan,” matod sa 5’9” nga si Dapidran
sa interbyu sa Spin.ph. Si Dapidran, kinsa miaway sa nagkadaiyang amateur tournaments sa wala pa misaka sa professional rank, aduna rekord nga 8-1, 4KOs.
“Excited kasi first time kong lalaban sa labas. Kaya nga nagpapasalamat ako sa kanya (Pacquiao) dahil sa pagkakataon na ito,” asoy ni Dapidran.
Si Dapidran kauban nga nag- training ni Pacquiao sa Pacman Wildcard gym sa General Santos.
Sama sa iyang ig-agaw, pangandoy ni Dapidran nga mahimong world champion ug makakulit og dakong pangalan sa kalibutan sa boksing.
“Yun talaga ang pangarap ko, na maging world champion,” dugang ni Dapidran.
Gawas ni Dapidran, ang laing Pinoy nga mopakita og aksyon sa undercard mao si Jerwin Ancajas (25-1-1, 17 KOs), kinsa modepensa sa iyang International Boxing Federation (IBF) super
flyweight title batok kang Japanese-Korean foe Teiru Kinoshita (25-1-1, 8 KOs).