NASURPRESA SI PACQUIAO
Miabot sa Brisbane, Australia si Manny Pacquiao sa miaging gabii alang sa iyang pagpakig-away kang Australian Jeff Horn karong Hulyo 2 sa 55,000-seater Suncorp Stadium.
Gikan sa General Santos City, si Pacquiao gi-escortan og military personnels paingon sa iyang chartered A330 plane, nga adunay disenyo nga “PacMan” sa luyo nga bahin.
Kauban ni Pacquiao ang iyang trainer nga si Freddie Roach, conditioning coach Justine Fortune, Australian sparmate George Kambosos Jr., ug uban pa. Ang delegasyon ni Pacquiao gilangkuban og 160 ka mga tawo.
Pipila ka mga oras gikan sa iyang paghiabot sa Brisbane, si Pacquiao mitambong dayon og misa kagahapon.
“This (religion) is my main priority, more than anything... Sunday is a worship day,” matod ni Pacquiao.
Atol sa misa,nga gitambungan kadaghanan og Australians, gipadayag ni Pacquiao nga nag-ampo alang sa iyang kadaugan ang mga kababayan sa iyang kontra. Nasurpresa si Pacquiao niini. “Masaya dahil sa mainit na pagsalubong sa akin ng mga tao dito,” batbat ni Pacquiao, kinsa gitapuk-an sa Australian
media sa iyang paggawas gikan sa simbahan.
Human niini, midiretso si
Pacquiao og balik sa iyang hotel nga gipuy-an aron mopahuway sa tibuok adlaw. “Pahinga lang ako,” asoy ni Pacquiao. Gipasabot ni Pacquiao nga maayo ang dagan sa iyang training sa General Santos City.
“Training is good, we did a lot of hard work, I am very excited for the fans to give a good show to show my best and in boxing ring,” matod sa Pambansang Kamao sa Pilipinas sa interbyu sa Australian Broadcasting Corp. radio. Giklaro sab sa 8-division world champion nga wala’y kamatuoran ang ubang mga taho nga wala ra siya maningkamot og maayo sa training. “Some reports coming out of the Philippines that I haven’t been training hard are not true,” pasabot ni Pacquiao.
“It just happens that when some of our friends came around to our training camp, we weren’t doing much and people assumed I wasn’t training hard.” Si Roach mipamatuod nga wala milugak si Pacquiao sa training ug dili kini gustong mailog ni Horn ang iyang World Boxing Organization
(WBO) welterweight title. “He has the best work ethic in the world. He trains hard every day and we do 48 boxing rounds every day non-stop just work, work, work,” pasabot ni Roach.
“We are here to win the fight, we don’t take anyone lightly.”
Nagplano si Pacquiao nga mopadayon og sa pagpakigsparring karong adlawa apan dili na grabe susama sa miaging mga adlaw.
Si Pacquiao, kinsa usa ka senador sa Pilipinas, adunay 59-6-2, 38KOs nga rekord samtang si Horn adunay 16-01, 11KOs nga baraha./
Excited kasi first time kong lalaban sa labas. Kaya nga nagpapasalamat ako sa kanya (Manny Pacquiao) dahil sa pagkakataon na ito - Jonel Dapidran, ig-agaw sa Pambansang Kamao sa Pilipinas.