Tiguwang babaye napalgang patay

Patay nang napalgan daplin sa dalan ang usa ka tiguwang pasado alas 5 kagahapon sa kaadlawon sa dalan F. Jaca, Barangay Pardo, dakbayan sa Sugbo.

Ang mga kabanay gustong ipa-autopsy ang lawas ni Delia Bacalso, 59, kay napalgan daplin sa dalan ug duol sa kabalayan. Matod ni SPO1 Winston Ybañez sa Homicide Section sa Cebu City Police Office (CCPO), usa ka barangay tanod sa Inayawan ang unang nakakita kang Bacalso nga nagbuy-od sa dalan ug nipahibawo kang Carlos, anak sa biktima. Niingon si Carlos nga adunay gamay nga deperensya sa pangisip ang iyang inahan human masakit sa nerbyos.