Angelica, Alden nitambong sa b'day party ni John Lloyd
Nagselebrar si John Lloyd Cruz sa iyang 34th birthday nga dunay art-themed party ug lakip sa iyang celebrity guests ang ex-girlfriend Angelica Panganiban ug Kapuso star Alden Richards.
Ang birthday party gipahigayon sa usa ka work studio sa Cubao, Quezon City, niadtong Sabado, June 25. Ang aktuwal nga birthday sa Kapamilya actor, June 24.
Sa wala pa ang birthday, nakit-an pa silang John Lloyd ug Angelica niadtong June 18 sa usa ka art fair sa Marco Polo Hotel, sa Ortigas.
Nabaniog sad ang pagbisita ni John Lloyd sa balay ni Angelica niadtong Marso dihang nag-andam ang aktres alang sa birthday ni Julia Montes. Nakit-an sad sila sa usa ka art fair niadtong Pebrero apan hangtod karon deny to death sila sa isyu nga nagbalik na sila.