Westbrook gipahalipayan ni MJ, Durant
Nakadawat og daghang mga pahalipay si Russel Westbrook human malabni niini ang Most Valuable Player award niadtong Lunes (Martes sa Pilipinas) atol sa NBA Awards sa New York.
Apan sa tanan, duha niini ang nakahatag kaniya og emosyonal nga pagbati.
Kini maon greetings nila ni Michael Jordan ug sa iyang kanhi teammate sa Oklahoma City Thunder nga si Kevin Durant.
Si Jordan, pinaagi sa Instagram, adunay gipirhan nga suwat nga nagdasig kang Westbrook nga mopadayon alang sa sunod niyang tinguha nga mao ang pag-angkon og kampiyonato.
Gisanglitan ni Jordan nga daw sama sila og naagi-an sa ilang karera sa NBA.
“Congrats, Russell”. “I got my first MVP award before my first ring too… Keep going.”
Samtang ang kasamtangang Finals MVP nga si Durant kinsa mibiya kang Westbrook ug sa Thunder aron motapon sa Golden State Warriors, midayeg usab ni Westbrook sa iyang komento sa YouTube channel. “Huge congrats to Russell Westbrook on MVP, that boy went out there and was a created player on [NBA 2K] all year, F---in balled out. Gotta respect it,” ni Durant pa.