Health run sa Lapu gibalik

Gibuhi ni Lapu-Lapu City Councilor Harry Radaza ang Health Run 2017-18 human nga tulo na ka tuig nga kini na-undang.

Isip tubag sa hangyo sa publiko, nadasig si Radaza nga ibalik ang maong kalihokan sa paugnat sa kusog nga haom dili lang niadtong mga running enthusiast apan lakip na sa beginners, bata o tiguwang ingon man ang tibuok sakop sa pamilya ang mamahimong mosalmot.

“Previously, the run was only for two months, this time around will be doing it for 12 months. We do this to keep our constituents physically healthy,” matod pa sa konsehal atol sa press conference. Gipahibawo ni Radaza nga ilang gihatagan og gibug-aton sa maong kalihokan ang kampanya batok sa illegal drugs inabagan sa Lapu-Lapu City Police Office diin ang mga drug surrenderer gidasig nga mo-apil sa maong fun run.

Ang naasoyng kalihokan himuon sa unang Dominggo matag buwan nga sugdan sunod buwan ngadto na sa Hunyo 3, 2018 sa 5:30 sa kadlawon ug manukad sa nagkadaiyang barangay sa mainland Lapu-Lapu lakip na sa isla sa Olango.

Ang kick-off nga ipahigayon sa Hulyo 2 nga manukad sa Lapu-Lapu City Hall paingon na sa barangay Pusok, sa buwan sa Agosto magsugod sa Ibo Covered Court – Buaya, Septiyembre 3 gikan sa Looc Lapu-Lapu City Central School – Canjulao, Oktubre 8 manukad sa Bankal Basketball Court – Pajac, Nobiyembre 12 gikan sa Poblacion Plaza – Looc, Disyembre 3 Marigondon covered court – Suba-basbas, Enero 7, 2018 Olango church – pantalan Sta. Rosa, Pebrero 4 Mactan Shrine – Engaño, Marso 4 Maribago Datag Covered court – Agus, Abril 8 Babag Takan to Calawisan, Mayo 6 Gun-ob Hoopsdome – Basak ug Hunyo 3 ilawom sa Marcelo Fernan Bridge Pusok.

Ang maong dagan adunay 1K, 3K, 5K categories pataas.

Sa mga interesado mamahimong magparehistro sa LapuLapu City Hall lobby sa P350 nga one time registration alang sa tibuok kalihokan nga adunay libre nga singlet.