Ravena gilakip sa Gilas-Pilipinas
Nalakip si Kiefer Ravena sa lineup sa Gilas Pilipinas alang sa Southeast Asian Games nga ipahigayon karong Agusto sa Kuala Lumpur, Malaysia.
Kini maoy posibling ikaupat ni Ravena nga makaangkon sa gold medal sa matag duha ka tuig nga kompetisyon. Ikauban ni Ravena mao sila si Kobe Paras, Mike Tolomia, Baser Amer, Almond Vosotros, Ray Parks, Von Penssumal, Kevin Ferrer, Carl Cruz, Raymar Jose, Troy Rosario ug Fil-German Christian Standhardinger.
Si Gilas Pilipinas coach Chot Reyes mipahibawo sa kompletong lineup pinaagi sa iyang Twitter niadtong Martes. Kon kahinumdoman si Ravena perming malakip sa Philippine team sukad pa niadtong 2011.