St. Ignatius run Hulyo 23
Mokabat ngadto sa P50,000 nga ganting salapi ang nakahan-ay aang sa mga mananaog sa St. Ignatius Run 2017 nga gikatakda karong Hulyo 23 sa parking lot sa SM City Cebu.
Karon tuiga, ang maong kalihukan pagadumalahon sa Sacred Heart School- Ateneo de Cebu Alumni (SHSAAA) Batch 1992 pinangulohan sa ilang presidente nga si Erickson Ong.
Ang tinuig nga kompetisyon abli sa tanang runners og mga fitness buffs. Kini langkuban sa men’s ug women’s 21 K run, 12K, 6K, 3K ug 1K categories.
Matod ni Ong nga ang kita niini mahitapon ngadto sa duh aka mga benepesaryo nga mao ang SHS-Ateneo de Cebu (SHS-AdC) Blue Plate Project ug sa Batch 92’s Scholarship Program: Building Skills-Improving Lives.
Ang registration fee nagkantidad ning mosunod: 21K (P750), 12K (P650), 6K (P550) samtang sa 3K ug 1K tag (P450).
Ang pagpangrehistro sugdan sa Hulyo 1 sa Loalde SM Cebu, SM Seaside, Ayala Center Cebu, Runnr Store sa Ayala Center Cebu, SHSAdC Alumni Office ug online registration at www. race.ph.