Mayweather mibisita sa Wild Card ug ni Roach

Dili surprisa alang ni legendary boxing trainer Freddie Roach ang pagbisita og mga inilang personalidad sa iyang Wild Card Boxing gym didto sa Hollywood, Los Angeles.

Pero sa niaging adlaw iyang gipadayag nga daw sa nakugang siya sa dihang wa niya damha ang kalit nga paghiabot ni Floyd Mayweather Jr. sa Wild Card gym.

Gibutyag ni Roach nga dili lang ka usa kon dili kaduha gyud ka higayon kini mahitabo.

Tungod niini wa kalikayi ang pagkatap sa mga pangagpas nga posibling mahitabo ang “Fight of the Century” rematch tali ni Mayweather ug

Filipino boxing superstar Manny Pacquiao.

Hinuon matod ni Roach nga dili siya ka siguro kon tinguha ba usab ni Mayweather ang pagpa- kig-rematch sa ilang away ni Pacquiao niadtong 2015 diin mibuak og mga record natad sa boxing.

Bisan pa man tuod og daghang nakasaway sa maong away apan mikita kini og kapin sa $600 million sa tibuok kalibutan nga maoy pinakadako sa kasaysayan sa boxing.

Ubos sa pagdumala ni Roach, si Pacquiao modepensa sa iyang WBO welterweight

title batok sa Australianong si Jeff Horn sa Sunscorp Stadium sa Brisbane karon Dominggo.

Samtang si Mayweather gikatakda usab nga moaway karong Agusto batok sa UFC champion nga si Conor McGregor.

“Maybe eventually he will come to the table,” matod ni Roach nga daw sa nagpasumbingay sa posibling rematch. “Mayweather has come twice to my gym now - it’s unusual.

“I said ‘do you want to talk about Manny or anything like that?’, and he said ‘no, I just wanted to see the gym’. “He said ‘I might franchise these around the world’, and I was like ‘oh, ok’.”

Apan bisan pa man sa gipanulti ni Mayweather nga nagplano kini nga mo- franchise sa iyang Wild Card gym, wa isalikway ni Roach nga posibling adunay laing katuyoan si Mayweather. /