Dimalas nga kapitan

Si Lahug, Cebu City Barangay Captain Jovito Taborada Jr. gisuspenso og usa ka buwan sa Office of the Ombudsman tungod sa pagpataka niyag gamit sa sakyanan sa gobiyerno.

Suma sa trip ticket nga ang sakyanan sa gobiyerno patubilan lang og gasolina og kinahanglang ibalik dayon sa garahe nianang mao ra nga buntag apan hikit-an kini sa sakop sa Ombudsman-Visayas Field Investigation Office duol sa usa ka mall sa Barangay Lahug nianang pagka-hapon.

Dimalas lang si Kapitan Taborada nga hikit-an sa sakop sa buhatan sa Ombudsman og gitinuod siyag kiha. Naay daghan dihang mga sakyanan sa gobiyerno nga gamiton sa paghatud –kuha sa mga bata sa tunghaan ug sa pagpangumpra.

Daghan usab kaayong atong makit-an sa mga baybayon sa tibuok lalawigan sa Sugbo. Naa usay uban nga imong makit-an sa mga bar ug balayWa lang gayud hinuoy mipasakag sumbong batok kanila.

Diha kadtoy panagsabut tali sa mga tawo nga habig sa gobiyerno ug sa Maute group panahon niadtong walo ka oras nga ceasefire sa Marawi City atul sa Eid’l Fitr niadtong Hunyo 25.

Sumala pa nga nagkauyon ang duha ka habig nga mag-ilis og mga piniriso ang Maute group ug ang gobiyerno. Andam usab nga mobiya ang Maute sa Marawi City kon mo-interbiner ang Moro Islamic Liberation Front (MILF).

Apan dili mosugot ang Armed Forces of the Philippines (AFP) ug ang Malacañang niining maong kasabutan. Sumala sa kagamhanan nga palisiya sa gobiyerno nga dili makigsabut sa mga terorista.

Samtang hugot nga ipatuman kining maong government policy naglaum usab unta ang mga pariyente sa mga hostages nga mabuhian na kini sila og malayo na sa kakuyaw ang ilang kinabuhi. Andam na usab unta ang MILF nga makigsabut sa kadagkuan sa Maute group aron mopahawa na kini sila sa Marawi City. Apan gibasura na sa Malacañang kining maong posibilidad.

Ako hinuon nagduda nga nagkalisud na ang Maute group sa ilang nahimutangan karon. Sa dili madugay mapukan na ang ilang pwersa mao nga nakigsabut na sila sa gobiyerno. Uyon ako sa baruganan sa Malacañang.

Ni-file na si Rep. Jonas Cortes og House Bill 4117 aron paghimo sa Mandaue City nga lone congressional district.

Apan sila si Board Members Glenn Bercede ug Thadeo Jovito Ouano buot nga mausab ang maong balaudnon aron maapil ang Lungsod sa Consolacion sa Mandaue City isip 6th district.

Buot usab nilang ipuno sa Lapu-Lapu City ang Cordova isip usa ka congressional district. Okay ra man.