KNOCKOUT TARGET NI PACQUIAO
MELBOURNE, Australia - Giangkon ni Filipino boxing icon Manny Pacquiao nga nagtinguha siya og knockout batok kang Australian Jeff Horn apan sa dili pa kini, depensa una ang iyang tutokan.
Mao kini ang tubag sa Pambansang Kamao sa Pilipinas sa usa sa mga pangutana atol sa Q&A nga gihan-ay sa Duco Events sa miaging adlaw alang sa accredited media outlets sa promosyon diin usa ang Superbalita Cebu niini.
Ang duha ka mga boksidor mag-abot karong Dominggo (RP time) sa 55,000-seater Suncorp Stadium sa Brisbane, Australia.
“Different fighters and Freddie and I work to focus on the knockout but we don’t know if it will come but we prepare for safety first and defense and not being careless and doing our job,” matod ni Pacquiao, kinsa modepensa sa iyang World Boxing Organization (WBO) welterweight title.
“If the knockout comes it will come and if I have the chance to knock him out I will grab that opportunity.”
Ning maong pamahayag ni Pacquiao, makita nga nakat-on siya og leksyon sa iyang brutal nga 6th round
knockout nga kapildihan batok kang Mexican Juan Ma- nuel Marquez pipila na ka mga tuig ang nakalabay.
Alang sa kampo ni Horn, nausab na ang away ni Pacquiao human kini gi- knockout ni Marquez ug puwede kini nilang pahimuslan.
Apan hugtanon kining gisupak ni Pacquiao. “For me I am still the same – I am still a boxer – and I disagree,” batbat sa fighting senator sa Pilipinas.
Gisuportahan si Pacquiao sa iyang trainer nga si Freddie Roach, kinsa mihulagway sa
8-division world champion nga mas nimaayo moaway human kini ma- knockout ni Marquez.
Sa iyang bahin, nipasiatab si Horn nga wala pa nakasugat si Pacquiao og kontra nga adunay sama niya og estilo.
Giklaro ni Horn nga gihatag niya ang tanan niyang makaya sa training gumikan kay dili niya gustong usikan kining maong oportunidad. /