'Utok' pagpatay ni Atty. Green sa Tagbilaran nadakpan
Suspek nga utok sa pag-ambush patay kang manlalaban Mia Mascariñas-Green sa dakbayan sa Tagbilaran nadakpan na sa mga sakop sa Criminal Investigation and Detection Group (CIDG) 7 sa dakbayan sa Davao human magtagotago sud sa upat ka buwan.
Si Lloyd Gonzaga maoy gitudlo nga nag ambush patay kang Manlalaban Mascariñas-Green ug suway nga pagpatay sa iyang tulo ka anak ug katabang samtang sakay sa iyang sakyanan.
Pasado alas 11 gahapon sa buntag naabot sa buhatan sa CIDG-7 si Gonzaga diin gisugat siya sa iyang asawa ug sa iyang ugangan nga mipasaka niya ug kaso nga si Conrada Bloomqvist.
Giingong human niya mapatay ang abogada misibat ni paingon sa Davao ug didto nagtago sud sa upat ka tuig.
Matod ni Chief Insp. Carlito Apilat hepe sa Operation branch sa CIDG-7 nga kanhi nadestino sa dakbayan sa Davao nagkanayon nga dunay impomasyon sa gitagoan sa suspek.
Tungod niini ila dayon nga gipanid-an hangtod nga natultolan
sa kapulisan ang giabangan niining apartment nga duol ra usab sa kampo sa CIDG-11.
“Nag-rent sya duon ng bahay kase yung bahay nya sa la dislawa hindi na nya tinirhan, duon siya nahuli sa Luna street barangay 23-C Davao City… paglabas nya sa bahay dyan na
naming sya hinuli,” matod ni Chief Insp. Carlito Apilat.
Samtang gituohan nga ang iyang kauban nga suspek nga si Romanico Binigian naa pa sa usa sa mga probinsya sa Davao.
Tungod sa maong pagkasikop, gikonsidera sa kapulisan nga sulbad na ang kasong pag ambush patay kang Atty. Green.
Ang ugangan sa suspek nga si Mrs. Conrada Bloomqvist nga maoy nangangkon nga tinuod nga nanag iya sa hotel nga giangkon usab sa suspek nakahilak sa kalipay human masayod nga nadakpan na ang suspetsado sa iyang abogada.