ANGAY MORETIRO: ROACH, JINKEE
Alang ni Jinkee Pacquiao, angayan nang moretiro ang iyang bana sa boxing. “Siguro
dapat mag-retire na siya,” matod ni Jinkee sa interview ni Dyan Castillejo sa ABS-CBN. “He’d not getting any younger.” Si Jinkee diha sa ringside niadtong Dominggo sa dihang natangtangan sa WBO welterweight title si Pacquiao sa Australianong challenger nga si Jeff Horn sa Suncorp Stadium sa Brisbane, Australia pinaagi sa kontrobersiyal nga unanimous decision.
Dili kini maoy unang higayon nga si Jinkee sa iang bana nga moretire na sa pamoksing.
Niadtong 2012 gitambagan na usab ni Jinkee ug sa inahan ni Pacquiao nga si Mommy D na moundang na sa pamoksing human kini ma- knockout sa ikaunom ka round ni Juan Manuel Marquez.
Apan milanat og kapin sa tuig, si Pacquiao mibalik ra gihapon og saka sa ring ilabi na sa dihang midagan siya pagka senador niadtong Mayo 2016.
Gikan sa hamubo nga pagretiro, siya miaway og balik ug midaog batok ni Jessie Vargas sa niaging tuig alang sa WBO welterweight title.
“Siguro yun ang ipapakiusap namin sa kanya para maging masaya kami ni Mommy D,”
matod ni Jinkee. “At siyempre yung mga anak na rin namin.” Sa laing bahin, gihulagway ni legendary boxing trainer Freddie Roach nga bati man tuod ang gipakitang away ni Pacquiao niadtong Dominggo apan pasado kini alang kaniya.
Apan bisan pa man niini, posibling isugyot ni Roach ngadto ni Pacquiao nga moretiro na lang kini sa pamoksing.
Nasagmuyo
Iyang gipadayag nga nasagmuyo siya ni referee Mark Nelson ug ingon man sa usa ka
judge nga si Waleksa Roldan nga mi-iskor og 117-111 pabor kang Horn.
“That was hard, sometimes I think people need to be investigated,” matod ni Roach sa Daily Telegraph. “At least in America where you get odd scores like that with the judges, the head commissioner should ask at some point, ‘Why? Where? Show me how you came up with that score.’” Bisan pa man sa duha ka
accidental headbutts wa nakagisi sa ulo ni Pacquiao wa gyud mapahamtangi og deduction si Horn. Labaw pang gikalagutan ni Roach mao nga wa sab mohatag og warning ang referee ngadto sa Australian challenger nga nagsigi lang pagpang- wrestling ni Pacquiao.
“The wrestling, getting hit behind the head a lot, it didn’t look good, but the referee didn’t pay any attention to it. I don’t know how he let a professional fighter get away with things like that. If you end up in a headlock after every exchange, someone is doing something wrong,” matod niya. “That is a WBO concern, I think they should do something about it, but I don’t think they ever will.”
Bisan tuod og miinsister si Roach nga daog si Pacquiao sa maong away, apan sa kinatibuk-an wa siya malipay sa
performance niini ug iyang awhagon ang Filipino boxing Icon nga moretiro na lang.
“I’m going to talk to Manny about maybe calling it a day, maybe this is it,” Roach said. “It depends what I see when I analyse the fight again.”
Jeff was just hungry and we had a 10-point plan and we stuck to it and we just had to execute and nobody can execute that other than Jeff. We didn’t come here to put up a good fight. We came to win and we did win. - Glenn Rushton, trainer sa bag-ong WBO welterweight champion Jeff Horn