AntiDistracted Driving Law

Ibalik karong adlawa sa Land Transportation Office (LTO) ang pagpatuman sa Anti-Distracted Driving Law (Republic Act

10913) ubos sa giusab nga implementing rules and regulations (IRR) sa maong balaod. Mao kini ang balaod nga nagdili sa mga driver sa paggamit sa ilang mga cellphones ug uban pang mga electronic

gadgets samtang nagmaneho sa ilang mga sakyanan. Klaruhon nato, ang gipasabot nga mga sakyanan mga motor vehicles.

Gisuspenso sa Department of Transportation (DOTr) ang pagpatuman sa maong balaod niadtong buwan sa Mayo human sa pamahayag sa mga magbabalaod nga di makiangayon

ang pagpatuman niini kay wa pa himoa ang usa ka nationwide information dissemination campaign. Gani,

unom ka buwan nga information campaign ang gisitar sa maong balaod.

Ang Section 7 sa Anti-Distracted Driving Act nagkanayon, “The DOTC (Department of Transportation and Communications)-LTO in coordination with the Philippine Information Agency, the Department of Education, the Department of Interior and Local Government, the Philippine National Police and private agencies and organizations shall undertake a nationwide information, education and communication campaign for a period of 6 months from the effectivity of this act.”

Si LTO 7 Director Alita Pulga niingon nga ang distracted driving naglakip sa paggamit sa usa ka mobile communication device sa pagsuwat, pagbasa o pagpadala og text message ug sa pagtawag og pagtubag sa tawag ginamit ang cellphone.

Gidili usab ang paggamit og electronic equipment o kaha computing device sa pagduwa og games, pagtanog pelikula, pagsurf sa internet, paghimog text message, pagbasa sa e-book ug pag- compute.

Matod pa ni Pulga, ang pagkupot sa usa ka motorista sa usa ka mobile communications device o usa ka electronic entertainment o computing device pagailhon nga prima facie case o ebidensiya nga nakahimo siyag kalapasan sa distracted driving law.

Alang sa nagpatuman sa maong balaod, ang maong kalapasan pagailhon samtang nagdagan ang sakyanan nga gimaneho ug bisan pa kon temporaryo nga naghunong tungod sa red light o stop sign sa usa ka eskina o intersection.

Apan matod pa ni Pulga, ang driver nga nagmaneho sa sakyanan mahimong mogamit sa usa ka mobile communications device kon kini gihimo nga hands-free o nigamit og speaker phone, earphones ug microphones.

(edbarrita@gmail.com)