MCWD mipahibalo nga mipatuman karon og temporary disconnection
Sugod Hunyo 1, 2017, ang mga konsumidor sa Metropolitan Cebu Water District (MCWD) nga nagpuyo sa gideklarar nga suspended areas tungod sa dili igo nga supply sa tubig mahimo na nga mo- avail sa temporary disconnection aron dili madak-an sa bayad.
Ang water district mipatuman niini alang sa mga konsumidor nga wala pa moabot og
five cubic meters ang konsumo sa usa ka buwan.
Kini nagpasabot nga dili na sila magbayad sa minimum
fee nga P152 matag buwan apan magpabilin nga ilaha ang ilang linya.
Ang buot mopahimulos sa
temporary disconnection kinahanglan nga mobayad sa tanan nga outstanding balance sa dili mo- file og request sa buhatan sa MCWD.
Kadtong naputlan na sa ilang connection sa wala pa gipatuman kining maong programa dili mahimong makapahimulos niini.
1 year
Ang MCWD customer accounts policy naglatid nga kun ang Production and Distribution Department molibkas na sa suspension, ang registered consumer adunay usa ka tuig nga mo- request aron sa pagbukas og balik sa iyang service connection.
Kun ang mo- request sa pagbukas sa linya dili ang registered
owner, ang MCWD mo-require sa pag-usab sa pangalan sa dili pa ang reopening sa account. Kadtong ni-avail sa temporary disconnection apan wala maka- apply sa reopening sulod sa usa ka tuig gikan sa paglibkas sa suspension, kinahanglan na nga mobayad sa regular nga bayranan sa reopening of closed account nga mokabat og P4,950.
Sa gusto nga mo- avail, bisitaha ang MCWD One-Stop Shop, Ground Floor, MCWD Main Building, dalan Magallanes eskina sa dalan Lapu-Lapu, dakbayan sa Sugbo.