World Vision run karong Hulyo 16
Sa unang higayon human sa malampuson nga pagpahigayon didto sa Kaulohan, ang World Vision mohimo sa ilang tinuig nga charity run dinhi sa Sugbo karong Hulyo 16 diha sa Cebu Business Park.
Ang fun run nga karon anaa na sa ilang ikaunom nga katuiga, moanhi sa Sugbo isip una nilang regional leg, ang dapit diin kini nagsugod mga 60 na ka tuig ang nakalabay. Kabahin usab kini sa ika-60 nga anniversary sa organization.
“The first orphanage supported by World Vision was in Visayas, 60 years ago. We thought that it’s nice to go back to our roots as we celebrate our 60th year,”
matod ni Jun Godornes, ang resource development director sa World Vision, atol sa press conference sa Golden Prince Hotel kagahapon.
Ang World Vision Ambassador nga si Matteo Guidicelli ang miimbitar sa tanang mga Sugboanon nga mahiligon sa dagan sa pagsalmot ning maong kalihukan nga namugna tungod sa usa ka kawsa.
“It’s a big run in Manila, very well attended. It’s a blessing to
have it here in Cebu,” matod sa actor ug sa samang higayon usa usab ka triathlete.
Ang kompetisyon gibahin sa lima ka kategoriya: 21-kilometer, 10K, 5K, 3K ug Kiddie Dash. ”This is a family event. We are inviting parents, children to join together with our corporate sponsors,” nagkanayon si Godornes.
Si local race director Kenneth Casquejo mibutyag nga moabot ngadto sa 3,000 ka mga runners ang ilang target. Sa kasamtangan aduna nay kapin sa 1,000 ang nakapalista.
Kabahin sa kita sa maong kompetisyon ang gamiton sa livelihood projects sa mga World Vision-assisted community sa Sogod, Cebu.
Ang ika 60 nga anibersaryo sa World Vision magdala sa tema nga “Caring for Children and Building Sustainable Communities.”
Ang registration fee: 21K (P900), 10K (P700), 5K (P600), 3K (P400) ug Kiddie Dash (P350) apin na niini ang singlet, race bib raffle stubs, loot bag, drinks, ug finishers’ medal alang sa 21K.
Ang mga entry forms makuha sa Toby’s Sports sa SM City Cebu ug SM Seaside, Runnr Store sa Ayala Center Cebu ukg Anytime Fitness.