PAC GUSTO OG REMATCH
Ang pagpakig- rematch sa Australianong si Jeff Horn maoy gihatagan og gibug-aton ni Filipino boxing star Manny Pacquiao bisan pa man sa sugyot sa iyang asawa nga si Jinkee nga angayan na kining moretiro.
Kini maoy nakab-ot nga desisyon ni Pacquiao sa dihang gikahinabi sa mga media sa iyang paghiabot dinhi sa Pilipinas, usa ka adlaw human sa iyang away didto sa Brisbane, Australia diin siya natangtangan sa iyang WBO welterweight title ni Horn pinaagi sa kontrobersiyal nga desisyon.
Gani bisan og adto gihapon kini awayon sa Australia, andam gihapon ang 38 anyos nga giilang Pambansang Kamao sa Pilipinas nga moaway og balik sa 29-anyos nga Horn.
“May rematch. Sige kahit sa Brisbane, no problem,” nagkanayon si Pacquiao atubangan sa mga tigbalita samtang nagpahuway kini sa iyang mansion didto sa General Santos City.
Ubos sa kontrata nga gipirmahan ni Pacquiao ug Horn nalakip niini ang option ni Pacquiao nga adunay katungod nga makig- rematch ug mahi itanyag niini nga anhi sa Pilipinas kini ipahigayon.
Apan daw sa dili mosugot ang kampo ni Horn niini ug mitanyag kini nga mahimong adto gihapon sa Australiana ug ning higayona sa Melbourne.
Wa mohisgot si Pacquiao og retiro kon dili ang pagpanimalos maoy anaa karon sa iyang alimpatakan ug ingon man ang dili makiangayon nga hukom sa mga judges ug ang kuwestiyonabling pag-officiate sa referee niini nga si Mark Nelson. Ang buwan sa Nobiyembre karong tuiga maoy gipanglantawan nga ipahigayon ang Pacquiao-Horn 2.
Wa pa say kasiguroan kon ang Top Rank ni Bob Arum mao pa ba gihapon ang mopromote sa away ni Pacquiao. Kadto maoy katapusang away nga ubos sa promotional contract ni Pacquioa sa Top Rank. Gawas niini, daw sa nagkaaslom na usab ang relasyon sa kampo ni Pacquiao ug Arum.
Nabantayan sa kampo ni Pacquiao nga daw sa nangita na og laing kapanguwartahan si Arum ug daw nga si Pacquiao lang ang iyang gigamit niini.
Gihulagway ni Aquilez Zonio, ang pangulo sa media
relations ni Pacquiao, nga bugnaw kaayo og tinagdan si Arum ngadto ni Pacquiao atol sa maong away. /
“It does bother me. That’s why I suggested to Manny, ‘Hey Manny, I think you should retire.’ He said, ‘Well, what about fighting a rematch with this guy?’ I said, ‘Well, maybe a rematch, but then that’s it. There can be no more fights with Floyd Mayweather and so forth.’” -Freddie Roach, Yahoo News