2 NA PATAY, 230 ANGOL SA LINOG
LEYTE - Dili mominos duha na ang patay ug kapin sa 230 ang angol suba sa uwahing datos gikan sa Office of Civil Defense (OCD) sa Region 8 tungod sa nahitabong linog sa Leyte sa niadtong Huwebes sa hapon.
Matod ni Director Edgar Posadas, bas sa 3:00 sa hapon kagahapon, nakatala ang opisina og duha ka patay, usa niini gikan sa Kananga ug usa ang sa Ormoc gumikan kay nahagsakan.
Kapin 80 na ang angol lukop probinsya sa Leyte, samtang sobra sa 150 ang sa Ormoc City.
Matod ni Posadas, gikan sa Department of Health ang datos nga ilang nakuha pero posible dunay kalahian sa laing ahensya.
Maagian naman ang tanan nga karsada ug tulay lukop Eastern Visayas.
Sa tanan nga airport sa Eastern Visayas, bugtong Ormoc
airport ang wala magamit kay naguba ang runway.
Magamit naman ang tanan nga pantalan lukop sa rehiyon.
Matod ni Posadas, walay supply sa kuryente ang dakong bahin sa Eastern Visayas gumikan sa pagtakilid sa tower 18 sa National Grid Corpo- ration of the Philippines sa Kananga Leyte.
Dugang ni Posadas, gipaningkamutan nga mabalik ang
supply sa kuryente sud sa tulo ka adlaw. Nideklarar og class suspension tibuok probinsya sa Leyte si Governor Dominic Petilla.
Wa usab klase sa Tacloban City ug Ormoc City.
Mimando si Gomez sa city engineering nga ipasusi ang tanan nga tunghaan kung luwas ba kini klasehan.
Nangliki usab ang yuta gikan sa Barangay Milagro padung Tongonan diin ang ubang pamilya nga nagub-an og kabalayan ang nagpuyo daplin sa karsada gamit ang tent. Wala pa usab datos ang civil defense kung pila ang danyos sa nahitabong magnitude 6.5 nga linog. Padayun pa ang paglibot sa mga sakop sa civil defense uban sa mga lokal nga kagamhanan. "So far wala pa namang nag declare ng state of calamity. Kaya pa naman ng mga LGU" matod ni Posadas.
Gidayeg usab ni Posadas ang mga lokal nga kagamhanan gumikan sa hinanali nga responde ug pagpaabot og tabang sa mga apektado.
Gisiguro ni Posadas nga andam ang rehiyon sa pagtubag sa panginahanglan. /