KAPITOLYO MOHATAG OG P1 M SA ORMOC CITY

Mohatag ang kagamhanan sa lalawigan sa Sugbo og tag P1 milyon sa dakbayan sa Ormoc ug lungsod sa Kananga, Leyte nga labing apektado sa pagtay-og sa

6.5 magnitude nga linog niadtong Hulyo 6, 2017.

Ang kantidad maoy nauyonan nila ni Gob. Hilario Davide III ug Bise Gob. Agnes Magpale dihang sila nagkita niadtong Dominggo atol sa

championship game tali sa Minglanilla Archangels ug Consolacion Sarok Weavers sa gym sa University of San Carlos.

Ang gobernador nagpaabot na lang sa pagtugot gikan sa Provincial Board alang sa paghatag og tabang pinansiyal ngadto sa duha ka mga lugar nga labing nakaangkon og dakong kadaot human sa pagtay-og sa makusog nga linog.

Kagahapon, nagamit sa mga empleyado sa Kapitolyo ang ilang mga nakat-unan sa gipahigayon nga mga earthquake

drill agi og pagpangandam kon mahitabo ang kusog nga linog.

“So, nituhop gyud sa atong kaigsuonan, sa atong kauban sa Kapitolyo nga in case of

earthquake kahibawo na sila unsay buhatan, duna nay mga protocols,” dugang sa gobernador.

Apan si Davide nakabantay nga dunay pipila ka mga empleyado ang wa mobiya sa ilang mga buhatan ug manganaog ngadto sa mas luwas nga dapit nga naa sa atubangan nga bahin sa Kapitolyo atol sa aftershock nga nitay-og kagahapon. “So, we have to follow protocol," matod ni Davide.