You keep me waiting

Nagkatawa na ang lalaki nga mipaduol pag-ayo nako. Nadiyong ang akong mga mata nga mitutok pagayo niya. Unya nakapahiyom ko.

“Troy?” Nakusog ang akong tingog.

“Abi kog wa na ka makaila nako, Lorie.”

“Hapit gyud nga wa ko makaila nimo, Troy. Sus, misamot ka man kaguwapo, uy!”

Nahapak kog hinay ang bukton ni Troy. Schoolmate ko siya kaniadto sa hayskol.

Crush nako ning kanahan, uy. Daghang sleepness night ang nahitabo nako kay mahunahuna ko siya kanunay. But wa gyud siya mangulitawo nako.

“Kadugay natong wa magkita, no, Lorie, since sa atong pag- graduate sa hayskol.” “Bitaw, uy, Troy. Imaaine, third year na ko ron sa college. Three years n diay, no, Troy, ug karon pa ta nagkita pag-usab since sa atong gradwasyon.” “Bitaw, uy, Lorie.” “Uy, mosu’od na diay ko sa eskuwelahan, Troy. Sus, nakalimot na man lang nuon ko sa akong klase.” Naigking ko dihang nahinumdom ko sa sayo kong subject inig kabuntag.

“Magdungan lang tag suo’d, Lor. Nia na man ko mag-eskuwela dinhi.” “Uy! May nuon. Tana.” Nanulod mi si Troy sa gate sa university. Magpahiyomay mi kanang magkatinan-away mi. Iya kong gihatod sa akong classroom. “May gani kay wa pa magsugod ang among klase.” Nakaingon ko. Wa pa mosulod sa classroom ang among propesor.

“Sige, Lorie, mag-estorya lang tag usab unya.”

Igo lang kong mitando. Gisundan ko sa akong pagtan-aw si Troy nga mibiya nako. Sus, kaguwapo gyud niya, uy. Aw, daan na man siyang guwapo kaniadto sa hayskol pa mi. Apan misamot gyud siya kaguwapo ron. Nabus-ok pa gyud ang iyang lawas. Nagtuo ko nga nag- workout siya kay nanagko man ang iyang mga braso.

Pagka hapon, nahikatawa ko kay naghuwat diay si Troy nako sa main lobby sa eskuwelahan. Nagdali siyang misugat nako.

“Gihuwat ta gyud ka, Lor, kay gusto pa kong makig-estorya nimo. Imbetaron tikag esnak, Lor, aron madugay-dugay ang atong pag-estorya.” “Sige.” Samtang nag-esnak na mi si Troy sa usa ka kan-anan sa Colon, gihisgotan niya si Jeffrey. Kauban ming tulo sa pagtungha sa hayskol kaniadto. Wa ko itago kang Troy ang among relasyon ni Jeffrey.

Dugay kong gitan-aw ni Troy. Nahibulong ko sa iyang tinan-awan nako.