Harden mipirmag pinakadako nga kontrata sa kasaysayan sa NBA
Tungod sa iyang talagsaong gipakita ubos sa Houston Rockets, si James Harden mipirma kagahapon og upat ka tuig nga extension sa iyang kontrata mokantidad og $228 million sa sunod nga unom ka tuig niya sa Houston.
Kini maoy pinakadakong kontrata sa kasaysayan sa NBA. Ang extension contract mibalor og $170 million ug dul-an sa $60 million ang iyang nahabiling duha ka kontrata nga tiwasunon.
“Since he arrived in Houston, James has exhibited the incredible work ethic, desire to win, and passion to be the best that has made him one of the most unique and talented superstars in the history of the game,” matod sa tag-iya sa Rockets nga si Leslie Alexander. “Additionally, the commitment he has shown to our organization, the city of Houston, and Rockets fans all over the world makes him a perfect leader in our pursuit of another championship.”
Sa maong kasabutan, si Harden magpabilin sa Houston hangtod sa 2022-23 season.
“Houston is home for me,” matod ni Harden. “Mr. Alexander has shown he is fully committed to winning and my teammates and I are going to keep putting in the work to get better and compete for the title.”
Ubos ni coach Mike D’Antoni, si Harden gihimong point guard ug nag-average kini og 29.1 points, nag-una sa NBA sa assists (11.2) ug 8.1 rebounds matag duwa. Siya ang nagsunod sa iyang kanhi kauban sa Oklahoma City nga si Russel Westbrook sa MVP race.
Ang nakanindot kay bisan pa man tuod sa gidak-on sa suweldo ni Harden dili gihapon kini makaapekto sa salary cap sa Houston ug aduna pa kini igong ikatanyag sa ubang mga free agents aron ilang matugbangan ang kalig-on sa Golden State Warriors.