Sayop ang natudlo nga gilabayan sa lawas ni Gisela?

Dapit nga unang gitudlo ni Riolito Boniel diin gilabay ang lawas ni Bien Unido Bohol Mayor Gisela Boniel sa kadagatan nga gitung-an sa Caubian ug Olango Island dili mao.

Rason nga gikanselar kagahapong adlawa ang ika-23 unta kahigayon sa pag-dive sa Olango channel sanglit kinahanglan nga mohimo og plotting ang mga diver sa bag-ong dapit nga gitumbok ni Etad.

Lakip sa hinungdan mao ang way tulog nga divers sa dihang mikuyog sa gihimong re-enactment nianang pagkaug nabuntagan na sa ilang pagpa-uli, kagahapon.

Kon mapakyas gihapon sila sa pagkaplag sa lawas, ila nang ipaundang ang pagpangita niini.

Saysay ni PSSupt. Rommel Cabagnot, hepe sa Lapu-Lapu City Police Office, gimandoan sila ni Central Visayas Director sa Police Regional Office (PRO) nga pangitaan pa og laing paagi sa tinguha nga matultolan ang lawas sa gipatay nga mayor.

Gihimo ang pag re-enact sa maong hitabo nga kapin na sa usa ka buwan ang milabay aron masubay ang oras ug rota sa pumpboat nga gikargahan sa lawas ni Boniel hangtod nga kini gilabay sa Olango channel, Lapu-Lapu City.

Gikuyog si Etad aron maoy mogiya sa mga pulis sa dapit nga ilang giagian.

Samtang Camp Crame mikompirmar nga nagtukma ang

DNA samples sa dugo nga nakuha sa pumpboat nga giingong gisakyan sa lawas ug swab sa laway sa inahan sa mayor.