E-Bus ug Jeep
Naglalis ang atong mga political leaders kon unsa ang angayan natong sagupon nga matang sa mass
transport system dinhi sa dakbayan sa Sugbo. Ang Bus Rapid Transit (BRT) ba o ang Light Rail Transit (LRT). Ang "kanhi laos nga pulitiko" maoy nanghingusog sa BRT kay lagi nagmalampuson kini sa ubang kanasauran sa Columbia. Apan pakyas usab kini sa ubang nasud sa pagsulbad sa nagka-grabe nilang problema sa trapiko.
Si Presidential Assistant for the Visayas Michael Dino nanghingusog usab sa LRT kay alang kaniya mao kini ang epektibo nga mass transport system. Iyang babagan ang implementation sa BRT kay dako
na kaayo budget niini ug walay kasiguruan nga mao kini ang solusyon sa trapiko. Tinuod bitaw grabe naman kadako ang gahin niini.
Tiaw nimo kanang mokabat naman sa P16.9 bilyones gikan sa P6 bilyones lang. Ug ang dakong pahat ning maong budget mahipunta sa road right of way acquisition (RROW). Mas dako pa ang road right of way kay sa proyekto mismo. Samtang LRT gamay lang og
budget kay wala na may RROW kay anha man tukuron ang relis niini sa tunga sa kalsada sama didto sa kauluhan. Mao lagi ni ang nakadaot sa sobrang pamulitika dinhi sa ato. Mapagan ang mga proyekto ug kalambuan sa atong lugar. Unya nagtuo kaha mo nga ang tumong aning ‘kanhi laos nga pulitiko’ sa pagpamugos aning
BRT mao ang pagsulbad sa problema sa trapiko? Aduna na siyay tinagu-ang tumong uy. Hinumdumi, multi-billion baya ning maong proyekto. E-BUS
Sa akong pagpakighinabi ni Barili Councilor ug Cebu Mini Bus Operators Association president Julie Flores, iyang gibutyag nga adunay usa ka Australian Bus Manufacturing Company nga andam mohatag sa ilang kooperatiba ug 60 ka units sa E-Bus ug mobiyahi sa probensiya. Unya ang Citrasco mokuha pod ug 1,000 nga E-jeep para dinhi sa dakbayan. Battery operated kining maong mga sakyanan ug
environmentally friendly kay dili naman mogamit ug gasolina ug krudo. Mao ni gitawag ug ‘green technolo�y’.