DILI PA MORETIRO
Aron paghatag og kahayag sa mga sulti-sulti kon angayan na ba siyang moretiro o dili, mismong si Manny Pacquiao na ang nipabuhagay kagahapon nga wala pa siya’y planong moundang og away ning puntoha.
“I love this sport and until the passion is gone, I will continue to fight for God, my family, my
fans and my country,” matod sa Pambansang Kamao sa Pilipinas sa interbyu sa ABS-CBN News. Human sa unanimous decision nga kapildihan ni Pacquiao batok kang Australian Jeff Horn niadtong Hulyo 2 sa Brisbane, Australia, adunay mga nag-ingon nga panahon na aron moretiro siya sa hingpit.
Apan sa gipamahayag ni Pacquiao, mianinaw ang poruhan nga madayon ang rematch nila ni Horn hilabi na kay nakasaad kini sa kontrata nga ilang gipirmahan.
Sa laing bahin, gitugyan na lang sa 8-division world cham- pion ngadto sa katawhan ang pagdesisyon kon kinsa ang angayang midaog sa ilang away ni Horn. Mao kini ang reaksyon ni Pacquiao sa gihimong scoring review sa World Boxing Organization (WBO) diin nagmadaugon lang gihapon si Horn.
“Let the people judge for themselves. People saw what happened,” batbat ni Pacquiao.
“We have seen worse judgments in the past where judges manipulated results. Nothing surprises me now.” Ang Games and Amusement Board (GAB), nga maoy government sports-regulatory body sa boksing sa Pilipinas, mipadayag nga ilang girespeto ang review sa WBO.
Apan alang kang GAB chairman Baham Mitra, lahi unta ang resulta sa scoring sa away kon maayo pa kini pagkadala sa referee. “The judges’ scores would have greatly changed if the refs did their job properly. He didn’t give senator Manny the respect and fair protection that is due to a people’s champ.”
Alang kang Mitra, kinahanglang aduna’y rematch aron maklaro ang tanan.