KOMEDYA NI DE CASTRO KANG JAKE ZYRUS GISAWAY
Nadismaya ang National Youth Commission (NYC) sa gihimong komedya sa brodkaster nga si Noli de Castro bahin sa singer nga si Jake Zyrus, kanhi Charice. Sa ABS-CBN primetime news program nga TV Patrol niadtong Lunes, July 10, duna silay news feature sa transformation ni Charice ngadto sa Jake Zyrus. Human sa report nikomento si De Castro nga, "Ang tawag diyan ay climate change. Madami talagang nababago ngayon." Matod sa NYC pinaagi sa statement nga gipagawas ni Commissioner Perci Cendaña,
chairperson sa Committee on Social Inclusion and Equity, dili lang si Jake Zyrus ang nasakitan sa maong pasiaw sa kanhi bise presidente, kundi lakip na ang
tibuok LGBT (lesbian, gay, bisexual and transgender) community.
"When a popular broadcaster and former Vice-President mocks a transgender man, he is not only offending LGBT (lesbian, gay, bisexual and transgender) people, he is also setting a bad example to his audience specially to the youth,” nagkanayon ang NYC. Giawhag nila si De Castro nga mangayo og pasaylo sa publiko aron kuno mamahimo siyang maayong ehemplo sa mga batanon. Apan wala pa’y tubag niini si De Castro.