Soca ni Luigi ipahigayon sa Miyerkules

Gikatakdang mohatag sa iyang State of the City Address (SOCA) si Mandaue City Mayor Luigi Quisumbing sa Sports Complex karong umaabot Miyerkules, Hulyo 19.

Sa dihang nahinabi sa mga tigbalita ning bag-o lang, ang mayor niingon nga mub-on lang niya ang Soca nga iyang ihatag Miyerkules sa buntag.

“I’t should be 15 minutes or less. I’m really hoping we can make it concise, we can lay

down our plans in the coming years,” ni Quisumbing sa mga tigbalita.

Ang Soca sa mayor dungan sa ika-49 nga regular nga sesyon sa dakbayan sa maong adlaw.

Sumala pa sa mayor nga magsugod ang sesyon sa konseho alas 9 sa buntag ug kini ihunong una sa makadiyot alang sa Soca.

Kahinumduman nga sa milabayng Soca sa mayor, nakatutok kini sa dagkong isyu nga giatubang sa dakbayan sama sa pagsulbad sa trapiko ug baha sa dakbayan.

Gipatuman usab sa mayor ang 24-oras nga pagproseso ug aproval sa tanang permit ug regulatory documents nga pangayuon sa publiko sa city hall sa iyang milabayng SOCA.