Transport group mag-protesta
Agi’g pagsupak sa Omnibus Franchising Guidelines alang sa pag-phase out na sa jeepney sa nasod nga nagpangedaron og 15-anyos pataas.
Mag-rally ang grupo sa Pinagkaisang Samahan ng mga Transport Operator Nationwide (PISTON) Cebu karong adlawa.
Ang coordinator niini nga si Greg Perez, nagkanayon nga alas 8:00 sa buntag manukad sila sa Fuente Osmeña Rotonda sa dakbayan sa Sugbo.
Gikan sa Fuente momartsa ang miyembro sa Piston-Cebu paingon sa Metro Colon ug modiretso sa Cebu City Hall.
Matod ni Perez nga 100-150 ka miyembro ang moapil sa maong martsa.
Apan giklaro niini nga dili kini strike apan welga lang agi’g pagsupak sa pag-phase out sa jeepney sa nasod.
Nipasalig usab kini nga dili makabalda ang maong protesta tungod ang driver nga moapil anaa kini sa nagkadaiyang rota kini sa Sugbo.
Hunyo 19 dihang gipirmahan ni Transportation Secretary Arthur Tugade ang OFG.
Ang maong mahidungan usab sa ubang dapit sa nasod.
Didto sa Kaulohan, ang mga sakop sa PISTON, ang No To Jeepney Phaseout Coalition, ug Save Our Jeepneys Network, magsugod sa ilang protesta sa alas 7 sa buntag sa Quezon City Elliptical Circle, ug momartsa paingon didto sa Mendiola.
Si Piston President George San Mateo ang mipika sa gobiyerno kalabot sa modernization program sa PUV.
Iyang gipasabot nga kini gituyo aron pagbutang sa publick transport ngadto sa mga corporations ug kinupya lang kini sa miaging administrasyon. / HBL