May uyab na diay

Dear Papa Joe,

Ako si Leo, 32, nagtrabaho sa usa ka pribadong kompaniya dinhi sa Cebu City. Kining akong suliran parte ni sa akoang lovelife. Naa koy nakaila nga maanyag nga babaye nga taguon ta lang sa ngalan nga Cindy, 22, nagtrabaho pod sa usa ka private company sa Cebu City.

Nagsugod ni among panaghigalaay dihang nagkaila mi sa usa ka okasyon nga pulos mi giimbetar. Nag- exchange mi og cell phone numbers niadto mao nagkasuod mi og maayo. Hangtod nga na- develop ang akong feeling alang kaniya. Ako siyang gidigahan sa akong gibati alang niya.

Ang problema kay naa na siyay uyab nga maingon tang punga nga dugaydugay na. Instead nga masuko ko, nakadayeg ko sa iyang pagsulti nako. Wa ko ma- discourage kay basin pa diay pero hugot siya nga niingon nga love niya ang iyang uyab karon ug friends lang mi.

Unsa man, maayo kaha nga maghuwat ko o ako na lang siyang pasagdan ug mangita ko og lain nga panguyaban kay total, libre man kong mangita? O di ba kaha maghuwat ko kay basin magkabuwag ra sila? Please tambagi ko kon unsay maayo nakong buhaton. LEO Leo,

Samtang dalaga pa o ulitawo, privilege na niya nga mamili kinsa ang iyang himuon nga hinigugma. Apan kanang imong sitwasyon mao nay giingon nga maghuwat gyud ka kay kon pilion ka niya, iya gyud na nga sulbaron o buwagan niya ang mao nga lalake.

Wa man kay sala sa imong pagpanguyab niya kay wa man ka kahibawo o di man na sala sa tan-aw nako kay magdepende na sa imong gipanguyaban. Kon lumpungon mo, kana di nana mao. Pero maintain lang ang inyong friendship apan ayaw lang pamugos kay siya na mismo maka- decide ana kon kinsa ang iyang pagapilion, ikaw ba o ang iyang uyab nga dugaydugay na, Salamat. PAPA JOE