■ LIBRENG SCHOOL SUPPLIES:
Kapin sa 200 ka mga tinun-an sa Campinsa Elementary School sa Barangay Manipis, Dakbayan sa Talisay, ang nakapahimos sa libreng school supplies, backpacks ug sanitary packs nga may sulod nga toothbrush ug toothpaste, nga gipang apud-apod sa Help Educate Kids sa miaging buwan. Ang grupo gipanguluhan sa magbarkada nga sila si Noel Abellana, Nestle Cabanig ug Nina Kristine Alinsonorin uban sa Rotary Mandaue East District 3860. Ikatulo nani katuig sa Help Educate Kids ang pagpahigayon og outreach activity nga ilang gihimo aron makatabang sa mga ginikanan ug sa mga tinun-an nga naglisod sa pagtungha ug naningkamot makahuman sa ilang pag-eskwela.