REMATCH O RETIRO?

Kon dili mobawos si Filipino boxing icon Manny Pacquiao sa iyang kapildihan batok kang Australian Jeff Horn, kinahanglan na nga moretiro sa hingpit ang Pambansang Kamao sa Pilipinas.

Mao kini ang gipabuhagay sa trainer ni Pacquiao nga si Freddie Roach sa interbyu sa TMZ Sports.

Gipasabot ni Roach nga ning puntoha, aduna ra’y duha ka mga opsyon ang fighting senator sa Pilipinas – moretiro o makig-away og balik kang Horn.

“Fight a rematch with Horn, otherwise retire. Fighters get old overnight, he did okay in the fight, but just okay, and just okay isn’t good enough,” sugyot ni Roach ngadto sa 8-division world champion.

Apan alang sa beteranong ring official nga si Atty. Danrex Tapdasan, wala’y laing angayang makasulti nga kinahanglan na’ng moretiro si Pacquiao kon dili ang iya mismong kaugalingon.

“Ako I want Manny Pacquiao to retire. But if you ask me kung magre-retire na si Pacquiao, my take is he will not retire until the time he knows himself na wala na talaga,” matod ni Tapdasan sa interbyu sa Fastbreak nga programa sa DZMM.

Matod ni Tapdasan nga ang problema lang sa mga boksidor, sila mao ang katapusang makadawat nga angayan na silang moretiro sa hingpit.

“Sadly the great fighters, Oscar de la Hoya, Muhammad Ali, Sugar Ray Leonard, Roy Jones Jr., Bernard Hopkins . . . 100% sa mga great fighters napansin ko, hindi sila nagre-retire after a win. They retire after a loss,” pasabot ni Tapdasan.

“(Ang boxer) ang huling-huling nakakatanggap na ‘tapos na ang karera ko.’"