Gilas Pilipinas nasubhan og kapildihan

Nasubhan og kapildihan ang Gilas Pilipinas batok sa Canada, 77-90, niadtong Sabado sa 2017 William Jones Cup sa Taipei, Taiwan.

Ang Gilas nagsalimoang pagpatunhay sa ilang duwa ug nakaangkon kini og sunodsunod nga turnovers hinungdan sa ilang kapildihan. Sa kinatibuk-an, 22 ka turnovers ang nahimo sa Gilas.

Sikit pa ang kombati sa 1st half apan pagsugod sa 3rd quarter, nakasugod na sab sa pagbiya ang Canada.

Si Gilas coach Chot Reyes nasagmuyo sa gipakitang duwa sa iyang mga batos.

“We won’t even beat an inter-barangay team playing like that,” matod ni Reyes basi sa TV broadcast.

Makita nga kuwang pa og teamwork ang Gilas.

Ang Gilas gipangulohan ni Keifer Ravena pinaagi sa iyang 12 puntos samtang nidugang og 11 puntos si Bobby Ray Parks.

Sa press time, ang Gilas padayon pang nakigsangka sa host Chinese Taipei kagabii.

Nagkinahanglang modaog ang Gilas batok sa host team aron makabangon ang moral niini. Puntos matag usa:

Canada (90) - Williamson 15, Haywood 12, Kapelan 12, Kyser 12, Wood 9, Smith 9, Friesen 8, Sutherland 5, Keith 4, Morgan 2, Bachynski 2

Philippines (77) - Ravena 12, Parks 11, Cruz 10, Wright 9, Standhardinger 9, Myers 7, Jalalon 5, Paras 4, Pogoy 4, Ferrer 3, Belo 3.