HARDEN MISAAD OG NBA TITLE
Gipabuhagay ni James Harden nga wala siya’y intensyon nga mobalhin pa og laing team hangtod sa iyang pagretiro ug iyang gipanumpa nga hatagan og kampiyunato ang Houston Rockets.
Ning bag-uhay lang, si Harden mipirma sa Rockets og labing mahal nga kontrata sa kasaysayan sa National Basketball Association (NBA) nga nagbalor og $228 million nga molanat og upat ka mga tuig.
Usa kini ka sumpay sa kasamtangang kontrata ni Harden nga magsugod karon pang 2019-20
season. Nagpasabot kini nga magpabilin si Harden sa Rockets sa magsunod nga unom ka mga tuig.
Alang kang Harden, kining tanan mawad-an ra og bili kon dili niya matunolan og kampiyunato ang Rockets.
“I know where I want to retire ultimately and I know where I want to win a championship,”
asoy ni Harden. “Everything is going to happen in Houston and that’s the reason I’m here forever.”
Gikan sa pagtapon ni Harden sa Rockets gikan sa Oklahoma City Thunder niadtong 2012, ang general manager sa Rockets nga si Daryl Morey nasayod nang daan nga aduna na sila’y lig-ong pundasyon
nga kinahanglan na lang punan og mga haligi.
“Some of our decisions are hard. This one’s easy,” pasabot ni Morey. “We’d do more if we could. This was the most they allow us to do.”
Sa miaging buwan, nakuha sa Rockets gikan sa Los Angeles Clippers ang usa sa labing maayong pointguard sa liga nga si Chris Paul aron makaabag kang Harden dala ang tinguha nga makatilaw sila pagbalik og kampiyunato.
Ang Rockets nakalabni og back-to-back titles niadtong 1994-95 season apan human niini, ningbahar na ang ilang kampanya.
Adunay mga pangutana kon maayo ba kaha ang dagan sa panagtambayong nila ni Harden ug Paul. Sa pointguard nga posisyon, si Harden maayong nakaduwa sa miaging season.
Apan wala nabalaka si Harden niini.
“I don’t think anybody’s ever seen anything like this before,” matod ni Harden. “Two guys that can create and facilitate and just do things with the ball that nobody’s done from the one position and the shooting guard position. So it’s going to be fun. I’m excited to be a part of it.”
Si Harden, kinsa naa sa ikaduhang dapit sa MVP voting miaging season sunod
ni Russell West brook sa Thunder, nag- average og 29.1 puntos ug 11.2 assists ug nakatali kini’g 64 ka doub le - d o u - bles.
“I ’ve coached a lot of people and watched a lot of games and the stuff that he did day in and day out was incredible,” asoy ni Rockets coach Mike D’Antoni. “Now I’m just so excited that he’s going to be here for a long time.”
Ang Rockets nagtinguha sab nga makuha ang laing All-Star nga si forward Carmelo Anthony gikan sa New York Knicks.