Concert ni Vice sa Cebu tensiyonado
Alas 9 na sa gabii niabot sa Cebu si Vice Ganda niadtong Sabado, Hulyo 15, atol sa iyang ‘Pusuan mo si Vice Ganda' concert.
Maayo na lang kay maayo moda og pakatawa ang iyang mga special guest nga silang MC ug Lassy mao nga wa gyuy reklamo ang madlang pipol.
Guest sad ang Tawag ng Tanghalan Grand Champion Noven Belleza ug mao gyuy akong reaksyon samtang namati ko niya nga nausab ang iyang kinantahan. Na-interbyu sad ni siya sayo pa ug maorag kunog wa sa iyang kaugalingon.
Pero dili ta mo- judge dayon kon nang- rape ba gyud tinuod? O na- frame up lang? Let's give Joven Belleza the benefit of the doubt.
Backstage, gikuyawan ang staff dili sa rape issue kundi sa ayroplano ni Vice sa Manila padung Cebu kay imbes alas 4 ang flight, naisbog sa alas 7:30 ug nakalupad ang ayroplano alas 8:15 na.
Mao nang alas 10 na gyud sa gabii nakasugod si Vice sa iyang jampacked concert sa IC3 Convention Center nga dunay kapasidad nga 8,000 maximum.
“Inisip ko na lang, hindi naman siguro magtataka ang mga Cebuano kung malili-late ako kasi pag-Cebu Pacific talagang malili-late ka,” pasiaw pa ni Vice dungan sa iyang pag- sorry ngadto sa mga Cebuano.
As expected, nagluhaluha ang mga madlang Cebuano og kinatawa sa mga pasiaw ni Vice nga sagad mga for adults only.
Naa usab sa audience ang OPM icon nga si Nonoy Zuniga nga nakapakurat ni Vice kon nganong naa ang singer.
Nindot konsertan ang IC3 Convention Center kay dako ang kapasidad ug mas accessible.
Kinahanglan lang pun-an sa IC3 ang ilang kasilyas kay kuwang gyud kaayo ang duha ka CR sa pila ka libo nga nanan-aw sa concert. Ang resulta? Mas grabe pa ang pila sa CR kay sa entrance. Huh! BLOODY CRAYONS
Nalingaw ko sa pelikulang “Bloody Crayons” bisan dili kaayo siya solido og estorya. Nalingaw ko kay nindot og casting, kulbahinam ug lisud taganon kinsa ang killer.
Sila tanan puros suspek apan usa ray tinuod nga mamumuno. Kinsa? Tan-aw na! Basta ang bida dinhi silang Janella Salvador, Elmo Magalona ug Ronnie Alonte kay sila ray nabuhi. MULAWIN VS. RAVENA
Akong nakauban ang mga batan-ong artista sa GMA hit telefantasya “Mulawin vs. Ravena” niadtong Sabado sa udto.
Silang Bea Binene, Derrick Monasterio, Kiko Estrada, Bianca Umali ug Miguel Tanfelix ang malipayong nipaambit sa ilang kasinatian sa maong serye. Atangi sila sa atong Q and A ugma sa Ssssuper Ka!