MARIELLE INOSENTE SA MGA PASANGIL
Mao ni ang gustong ipadangat sa pamilya ug mga suod nga higala sa Tawag ng Tanghalan Season 1 Top 6 grand finalist Marielle Montellano. Kini human naa-an sa mga
basher sa social media si Marielle nga maoy rape victim sa kasong giatubang karon sa It’s Showtime’s Tawag ng Tanghalan first grand champion Noven Belleza. “Ma-korek unta na kay
traumatic kaayo sa bata. Giingon ra man gud sa blind item nga Cebuana ug kauban ni Noven sa Tawag ng Tanghalan. Pero dili intawon na si Marielle,” dason sa tinubdan sa Superbalita nga dili lang gustong magpaila.
“Dugay na nagbase si Marielle sa Manila. Pag-Biyernes ( July14), ni- guest pa na siya sa Umagang Kay Ganda. Pag-Sabado ( July 15), nag- get-together na sila sa iyang fans. Nag- church pa na sila ni Pauline Agupitan (laing TNT grand finalist). Niadto lang nang Dominggo nakabalik si Marielle sa Cebu kay ni- attend lang sa
dance contest sa iyang sister.” Ang insidente nahitabo Sabado sa kaadlawon sa usa ka condo, diin ang rape victim giingong 19-anyos ug local singer.
Depensa sa tinubdan nga 20 anyos na si Marielle ug dili na matawag nga local artist si Marielle kundi national
artist kay tua na siya sa Manila nagkantahan.
“Kanang rape victim wala na siya ma-grand finalist, resbaker na siya pero wa na siya mahimong daily winner,” dugang sa tinubdan.
Ang rape victim gihulagway sa mga blind item nga duna nay boyfriend sukwahi ni Marielle nga wala gyud kuno kasuway og uyab bisan kausa. Samtang, ang official statement
sa ABS-CBN nagkanayon: “Noven asserts that he did not commit the crime charged and he will prove his innocence in the course of the legal proceedings.”