MGA NGO, PO MAY TULUBAGON SA COA

Pipila ka non-government organizations ug people's organizations (NGOs/POs) ang napakyas paghatag og sumada sa ilang cash advances nga P32,722,995.23, sumala sa Commission on Audit (COA).

Sapagsusi sa COA sa subsidiary ledger for account sa Kapitolyo, nakaplagan nga 19 ka mga NGO/Pos sa lalawigan sa Sugbo ang wala maka- liquidate sa ilang nadawat nga financial

assistance gikan sa kagamhanan sa lalawigan sa Sugbo hangtod sa Disyembre 31, 2016.

Kini nahisupak sa COA Circular No. 2007-001 nga pinetsahan og Oktubre 25, 2007 nga nag-usab sa mga lagda sa paghatag, paggamit, accounting ug auditing sa mga pundo nga gipagawas ngadto sa NGOs/POs.

Ang state auditors namahayag ang natapok nga mga

unliquidated fund nga gihatag sa mga NGOs/POs sa nangaging katuigan nagpakita nga lugak sa provincial government pag- monitor sa maong mga pundo ug kinahanglan nga pangayoan og utilization reports ang mga proponente.

Ang uban niini sukad pa niadtong Enero 2005 wala ma-liquidate hangtod sa Disyembre 2016.

Ang COA nisugyot sa kadagkuan sa Kapitolyo nga higpit ipatuman ang mga probisyon sa COA Circular No. 2007-001 pinaagi sa pagpadala og demand letters nga kinahanglan magduos og fund utilization/

liquidation report gikan sa hingtungdang mga NGOs/POs aron magmatuod nga ang pundo gigamit sa insaktong katuyoan subay sa nalatid sa memorandum of agreement (MOA) nga gipirmahan sa paghatag sa maong tabang pinansiyal.

Ang state auditors nisugyot usab nga gikinahanglan usab ang periodic report gikan sa maong mga institution labi na sa paghatag og grants sa aktwal nga kahimtang sa mga proyekto ug sa kagamitan sa mga pundo.

Si Provincial Accountant Ramon Dumayac niingon nga ang RAFI nakaduso na sa liquidation samtang ang CCCI nangayo og laing financial assistance human sila makaduso og liquidation report.

Ang kagamhanan sa lalawigan sa Sugbo wala na maghatag og cash advances ngadto sa NGOs nga wala makaduso sa ilang liquidation reports. /