Viva music video gilusad

Gilusad sa Viva Records ang pinaka-unang music video nga gihimo gawas sa Metro Manila. Gilangkoban sa mga

cast ug crew sa Viva talents gikan sa Cebu, Bacolod, Davao ug Cagayan de Oro.

Ang Pusang Ina, usa ka matahum nga kanta bahin sa gugma sa mga iring, gisulat ni Edgardo Miraflor, Jr., ang lider ug songwriter sa bandang The 11th Hour nga nagbase sa Bacolod.

Ang director ug editor sa maong music video usa ka Cebuano. Si Choi nitabang ni Miraflor sa pagsulat sa konsepto sa music video. Graduwado si Choi sa International Academy of Film & Television ug siya ang mananaug isip best actor sa 2017 Sinulog Short Film Festival. Usa usab sya ka DJ sa Halo Halo 105.1 Cebu.

Nadasig si Miraflor sa pagsulat sa Pusang Ina niadtong gikawat sa usa ka saag nga iring ang iyang chorizo nga gipatong sa lamesa. Imbis nga maglagot, iya na lang gihimoan og kanta. Ang ubang miyembro sa banda mao sila Shamerock Sapul (bokalista), Kevin Espeleta (gitarista), ug si Richard Bachinela (percussionist).

Lakip sa music video mao ang ubang Cebu talents nga sila Melody Hodgson, EJ Castaneda, Emmy Corpus, ug Juanita Romualdez. Makita usab nga mag cat dance sila Monica Cuenco (bida sa Bituing Walang Ningning the Musical) ug ang mga social media personalities nga sila Raphiel Shannon ug Leo Jeong. Apil usab ang garbo sa Cagayan de Oro ug singersongwriter sa sikat nga kantang Gugma Pa More, si Winset Jacot, ug ang mga talents gikan sa Davao, ang Footwear band ug si Jayrah Kaye.

Naka upload ang music video sa YouTube channel sa Viva Records samtang ma download sa iTunes ug Spotify ang maong kanta. /