70 % sa Evissa, Tierra Nava sa nahalin
Nikita og P800 milyunes ang Johndorf Ventures Corp. ( JVC) human nahalin na niini ang 70 porsyento sa townhouses nga natukod niini sa Evissa ug Tierra Nava subdivisions sa unang katunga ning tuiga.
Nagpanikad sab ang kompanya nga molusad og dugang upat ka mga proyekto sa Sugbo, ug ingon man sa Davao ug Cagayan de Oro sa mosunod nga katunga ning tuiga, ug mokabat kini og P2.5 bilyones nga gastuhanan.
Gikan ang mga nahalin sa tulo ka nahin sa matag proyekto alang sa mga pamilyang middle-class nga natanyag sa JVC sa paglusad niini sa duruha ka mga subdivision sa sayo pa ni’ng tuiga, matod ni Michele D. Chiu-Bacungan, sales and marketing manager.
“Hapit na’ng buksan nato ang dugang pa’ng mga bahin,” siya mipahayag.
Gisugdan sa JVC sa hinapos nga bahin sa Pebrero ang pagbungkal sa yuta alang sa Evissa, tres-ektarya nga luna sulod sa Johndorf Communities, nagkadakong 24-ektarya nga township sa Mactan sa Asyanong townhouses nga mokabat sa P1.7 milyones matag usa.
Gisundan kini sa kompanya paglabay lang sa usa ka bulan sa Tierra Nava sa ibabao nga bahin sa Sitio Dapdap, Poblacion III, Carcar City, asa ron gipangtukod ang townhouses nga nibalor gikan sa P950 mil hangtud P1.4 milyones.
Sa sulod lang sa upak ka bulan, mihalin ang duruha
ka mga proyekto og 650 ka townhouses.
Nitampo ang Evissa og P500 milyones sa halin, samtang P300 milyones ang naabot sa Tierra Nava, miambit si Bacungan.
“Lain na sad ni’ng kalampusan sa Johndorf, kay na usban nato ang kalampusan sa Astana, Navona ug Portville Prime sa dakbayan sa LapuLapu City,” siya midugang.
Ang daling pagkahalin nga nabuhat sa mga broker mitimbang sa mga pamaagi nga makapadali ra sa pag-ugmad nga naugmad sa Johndorf human sa kapin 30 na ka tuig sa pagpanukod og mga dekalidad nga balay ug masako nga mga komunidad.