GILAS NAMUNGOT

Namungot ang Gilas Pilipinas batok sa India, 101-70, kagahapon sa 39th Jones Cup sa Taipei Heping Gymnasium sa Taipei.

Nagpauwan og three-point shots sila si Gunners Von Pessumal, Matthew Wright ug Almond Vosotros aron buakon ang zone defense sa India nga maoy nakahatag og dakong labaw sa mga Pinoy.

Sa 2nd quarter pa lang, kontrolado na sa Gilas ang panagsangka.

“The central theme going to this game is that we want to respect the opponent because we know India has some good players,” asoy ni Gilas head coach Chot Reyes. “But at the same time, we also want to respect the game.”

Ang batan-ong mga sakop sa Gilas ningpagawas sa tanang tinaguan nilang opensiba - ningkulit og 17-of-36 field goal ug 47 percent three-point shooting – aron dominahon ang India.

Kini maoy labing una sa torneyo nga nakaabot og 100 puntos ang Gilas.

Gipangulohan ni Wright ang kadaugan pinaagi sa iyang 19 puntos lakip na niini ang perpektong lima ka mga tira sa three-point area. Puntos matag usa

Gilas (101) - Wright 19, Pessumal 14, Vosotros 14, Standhardinger 10, Cruz 9, Daquioag 8, Tolomia 8, Jalalon 7, Jose 4, Myers 4, Gotladera 2, Ravena 2.

India (70) - Gill 25, Pandi 14, Sivakumar 7, Poiyamoshi 5, Philip 5, G. Hafeez 5, Gill 4, Gowda 3, Reddy 2. Quarterscores: 27-24; 54-31; 80-55; 101-70.