The time you say I love you
Samtang nagklase ang among propesor, hinay sab mig tingog si Maggie nga nag-estoryahay. Magtupad man gyud mig lingkod sa sulod sa among mga klase. Wa mi laing gipanagsultihan kondi si Cliff.
“Unsa kaha kon mahimo mong boyfriend si Cliff, no, Rona?”
Mipakibo ko sa akong mga abaga.
“Imposible nang mahitabo, uy, Mags.”
“Don’t say that, Ron. Makasupak diay ka sa imong kapalaran?”
“Kapalaran?” Mikatawa ko. “Ang tawo ang mangita sa iyang kapalaran, uy, Mags. Tuo ka man anang
giingon nga ang kapalaran maoy magbuot sa tawo. Kita gyud ang magbuot sa atong destiny.”
“Ambot lang nimo, Ron. Basta ako, I believe nga di kapugngan ang kapalaran kon unsa may iyang gusto para nato.” Gingisihan ko lang si Maggie. “Ikaw, Mags, nganong wa pa may uyab ron? Sa hitsura, di sab ka bentahaan. Sa lawas, wow, pang- beauty contest, uy!” Mikatawa si Maggie. “Wa pa na moabot nako ron, Rona. But moabot ra gihapon na sa akong kinabuhi.
Normal man tang pagka babaye. Makauyab ra gihapon ko. Pero you know, duna koy crush.”
“Aw, normal lang sab na. Bi, kinsa man nang lakiha?”
“May lain pa? Ang imong handsome suitor.”
“Si Cliff.” Gusto kong mokatawag kusog apan nagpugong ko kay nagsige og leksyon ang among propesor. “Aw, imo na lang siya, uy!”
“Imposible na, Ron. ikaw ang iyang love. Miprangka si Cliff nako nga na- in-love gyud siya nimo.”
“Pero di man gyud nako siya sugton, Mags, kon di siya mag-usab sa iyang kinaiya? Sa tan-aw ko niya, no, iresponsable siya.”
Nianang lunch time, nagdungan mig kaon si Maggie sa suki namong karenderya sa gawas sa school campus. Si Cliff gihapon ang among
topic. Di man unta ko gusto nga estoryahan namo siya apan si Maggie ganahan gyud nga hisgotan namo si Cliff.
“You know, Mags, in-love gyud ka kang Cliff. You know
why? Klaro nga gusto kaayo ka nga estoryahan siya. Di man
crush nang imong gibati niya, uy. True love man na.”
“Well, morag nakatag-an ka ana, Ron. Pero wa man ko maglaom niya ba. Friend man mi kay silingan gud. Kanunay ming magduwag scrabble sa among lawn. Mao bitaw nga na- develop pag-ayo ang feeling ko niya.”
Mitan-aw kog dugay kang Maggie.
(SUMPAYAN)