Kinsa sa duha ang pillion?
Dear Papa joe,
Tawaga lang ko og Myra, 26 years old, taga habagatang bahin sa Cebu. Ang akong suliran kabahin sa pagbuhat og desisyon. Napaangkan ko sa edad nga 19 pero wala mi tugti sa among mga ginikanan na magkadayon mi sa papa sa akong anak kay lagi mga bata pa mi. Kaliwat daw og babaero ang akong uyab pero wala ko motuo ato kay nasayud ko nga gimahal kaayo ko sa akong uyab.
Tulin nga nilabay ang panahon nga nagkalagyo mi pero maorag nagkauga ang iyang pagbati nako kay tagsa nalang gani ni motawag namo ug sa iyang anak. Hangtud nga nahimamat ko si Alfred. Nadawat ko niya ug ang akong angkunon naa nay nahitabo namo, di lang ka usa, kon di sa makadaghang higayon. Mao nga nisamot akong gugma niya.
Pero dihang naka decide na mi nga magminyo, niabot sa eksena ang papa sa akong anak ug mobalik na daw siya namo kay nakaamgo na siya sa iyang pagkuwang nga tungod lang daw sa iyang kabatan- Maayo na siya og kahimtang karon pero mas nahigugma ko ni Alfred. Palihug tabangi ko nga mo decide.
MYRA
Myra,
Ang saktong desisyon magagikan diha nimo ug dili nako. Pero ang ako lang mao ang paggiya nimo. Kon asa ka nahigugma ug gihigugma ka, adto ka. Kon dawaton nimo ang papa sa imong anak, labnai maayo ang kahimtang ani, madawat ba sad ka niya labi na masayod siya nga nahilambigit ka og laing lalake?
Ug kang Alfred, molahutay ba kaha siya sa iyang pagka siya karon ninyo ug di mausab? Mao ni ang pangutana nga balikbalikon nimo og huna-huna. Ug human matimbang nimo pag ayo, anha ka na mo- decide kinsa kanilang duha ang imong pagapilion. Hinuktoki unag maayo. Pero personally, alang gyud nako, sunda ang imong kasinkasing ug ihangad kana sa Ginuo. Daghang salamat.
PAPA JOE