AMIE FILOMENO: NGANONG 'RAYNA SA HABAL-HABAL'?
NGANO GITAWAG OG RAYNA SA HABAL-HABAL?
Niadtong dekada `98, unang nisikat ang pangan ni Amie Filomeno tungod sa iyang kantang “Habal-habal”, ang dance hit Cebuano version sa “Barbie Girl” sa Aqua nga nag-No 1 sa mga FM ug AM stations sa Sugbo. Gikan didto, sunodsunod na ang mga pasidungog nga iyang nadawat gumikan sa iyang ka-versatile moawit sa bisan unsang genre’ sa mga kantang Binisaya. Amie Filomeno, Ssssuper Ka! Unsay ma-consider nimong biggest break sa music industry?
Katong nidaug ko sa Cebu Popular Music Festival ug sa Sandugo Music Festival ug sa dihang gipasidunggan ko sa 13th Annual Awit Awards sa Manila. gabii alas 9 hangtud sa 10:30 sa "Handurawan," diin mga karaang Binisaya ang among awiton.
Unsay labing karaan nimong kanta nga nahibaw-an?
Ang “Ang Akong Damgo sa Kaugmaon” composed by Maestro Efren Tarongoy.
Unsa pa’y uban nimong shows sa CCTN?
"Salamat sa Musika" matag-Domingo sa gabii alas 10 ngadto sa alas 11 ug dunay replay matag-Miyerkules, ala una sa hapon ug ang “Kikoy and Lucing” matag Huwebes alas 6 sa hapon.
Kinsay nakadiskubre nimo sa telebisyon?
Gikuha ko ni mama Joy Balboa (kanhi host sa CCTN) niadtong 2009 kay sila man ni Baste Balboa ang nagdala niadto sa Alpha Records, diin usa ko sa ilang mga local talents.
Ang di nako malimtan nimo kato inyong kanta ni Joey Magalzo nga “Habal-Habal.” Unsa tong tuiga?
1998, halos tanang FM ug AM station nipatukar gyud atong kantaha. Gikan to sa Bisdak Kraud album nga gi-produced sa Alpha Records.
Wala ra ka malain nga tawgon ka sa una og rayna sa Habal-habal?
Wala ra, basta entertainer ta mogawas gyud ang daghang
Asa ka nagsugod ug nabaid sa pagkanta?
Sa simbahan kay choir man ko sa una hasta sa among eskwelahan.
Sa imong mga kanta unsay nitatak nimo?
Ang kadto sa ABS-CBN TV series theme song nga "Siya ug ako sa Kangitngit" kay duna na siyay 36,000 viewers sa Youtube.
Asa namo madungog ang imong mga kanta?
Sa Youtube, i-type lang Amie Filomeno songs, mogawas ra na tanan. Sa una naa ko'y self-titled album sa Alpha. Ang uso ron kay download na man.
Gawas sa telebisyon, unsay lain nimong gikabisehan?
I work as a dental assistant and I'm also into real estate sa Filinvest Cebu.
Unsa pay gusto nimong mahitabo sa imong career?
Tingali ang makapasikat pa og laing orihinal nga awit aron makahinumdom ang mga Cebuano nga duna pa'y Amie Filomeno nga padayong nagpangga sa mga kantang lunlon Binisaya.