Away sa propaganda
Nagkalainlaing reaksiyon human sa pagpahigayon ni Presidente Rodrigo Duterte sa state-of-the-nation address (Sona) human sa iyang unang tuig sa unom-ka-tuig nga termino niadtong Lunes. Dunay uyon ug supak. Kabahin kini sa istorya sa kinabuhi. Gawas sa pagsaysay sa nahimo, si Duterte nahisama sa progandista nga daghang giwiktan nga tunok sa iyang administrasyon ug pagpamalikas, sama sa komunistang rebelyon diin ang liderato nga tua nagbase sa gawas sa nasod, niluwat usab og parehong propaganda nga pamahayag.
Hinuon, ang katawhang Filipino maoy mahukmanon taliwala sa binirahay sa propaganda. Kon basihan ang mga survey, si Duterte nakabintaha tungod sa pagkuha sa kasamtangang 82 percent "approval rating" sumala sa Pulse Asia, gikan sa 75 percent niadtong unang quarter ning tuiga.
Ug sa pag-alkontra sa pagpakaubos sa walhong rebelyon, si Jose Maria Sison, founder sa Communist Party of the Philippines (CPP) nga ni- exile sa The Netherlands, niingon nga maayog magmata si Duterte sa makatuoran nga dunay "duha ka kagamhanan nga nagbarog sa Pilipinas," ang rebolusyonaryong paksiyon sa mga mamumuo ug mag-uuma ubos sa pagpangulo sa CPP. Motuo ka ba niini? Sa dili motuo, makaingon nga klaro nga propaganda kini. Apan ang init pa sa walhong ideyalismo, ang nahitabo kabahin sa prosesong pulitikal.
Sumala pa, si Duterte, sa iyang kabatan-on, aktibista sa kadalanan ug kanhi tinun-an ni Sison dihang nagtungha sa kolehiyo sa kaulohan hinungdan nga dunay kasayoran sa walhong pakigbisog. Ang propaganda dili bag-o ni Duterte busa mohirit kon makahigayon sama sa Sona. Ang reaksiyon ni Sison seguradong dunay sagol nga propaganda.
Di kita magpadala sa propaganda. Kitang mga yanong masa kinahanglang mohashas sa kamatuoran. Kita ang mas nasayod sa atong sektor ug ang labawng nasayod sa atong palibot.