Mibalik ang ka-agresibo sa NPA
Subo kaayo palandungon ang gihimong pag- ambush ug pagpatay sa mga sakop sa New Peoples Army (NPA) sa unom ka mga Pulis sa Gihulngan City sa Negros Oriental.
Nahitabo sab kini sa pipila ka mga dapit dinhi sa Pilipinas saama sa Palawan nga miresulta sa ingkuwentro tali sa kasundaluhan.
Sa Iloilo, gi- raid sa NPA ang police station sa usa ka lungsod ug gipangkuha ang mga armas ug maayo nalang wa gipangpatay ang sakop sa PNP.
Karon atong awhagon ang kapulisan ug militar sa lugar nga anaa ang presensya sa mga komunista sa pagdoble sa pagbantay kay ang kontra mga traylor.
SONA SA PRESIDENTE
Sa state-of-the-nation (Sona) sa Presidente nisaway ug nipahimangno man tuod sa mga kaaway sa nasud apan nagpabilin ang pagpangga sa CPP-NPA/NDF.
Gikanselar man tuod ang sabotsabot alang sa klinaw apan wa man magpakita sa ilang kahadlok ang NPA.
Tungod ba kay nahibawo na Daan ang walhong grupo nga di makabiya kanila ang presidente kay usa ra sila?
Kini nakapahinundum nako sa mga panghitabo sa siyudad sa Davao sa dihang mayor pa si Presidente Duterte.
Di matago sa mga tawo ang gibug-aton sa ilang relasyon. Gipasanginlan ang presidente nakig kunsabo sa walhong grupo.
Gani wamay limit si Senator Antonio Trillanes sa pagpasangil nga anaa sa payroll sa city hall ang mga NPA.
Ang maong alegasyon ni Trillanes gisportahan sa nagpailang sakop sa Davao Death Squad nga si Mao ato ug Col. Lascaňas.
Ang Sona sa Presidente gipikhan man tuod ang nga aktibista nga nag rally. Apan ang wa mahibawo nasayod ni Duterte sa koneksyon sa mga raliyesta ngadto sa NPA.
Wa kita mo pasangil si Digong kumunista apan sayon balansihon ug Kon Asa kini naka pusta.
Kon nagduwa ang presidente nahibawo na ang mga sundawo ug Kon Asa sila mo pa hiluna.
Ang militar maoy numero unong biktima sa kabangis sa mga NPA. Daghan na kanila ang biktima ug na patay sa pag pang ambush.
Samtang di nato isalikway ug angayan natong daygon ang mga maayong nahimo ni Presidente Rodrigo Duterte, sa aama sa pag-ban sa pagpanegarilyo sa mga publikong lugar nga gipatuman sa miaging adlaw. Ang pagpanegarilyo makadaot sa lawas sa tawo.