The time you say I love you
Gikuptan ko ang kamot ni Maggie.
“Mamiya ka man lang nako, Mags. Kita bayay nagkuyog.”
Mihunong paglakaw si Maggie. Nagpahiyom siyang mitan-aw nako.
“Aw, naa man si Cliff. May nang magkaestorya mo.”
Milingi ko. Nagpabilin si Cliff nga nagtindog. Wa siya mosunod nako.
“Naa bitaw. Pero gusto na kong maglikay niya.”
Igo lang mipakibo sa mga abaga si Maggie. Mipadayon mig lakaw paingon sa among
classroom. Wa na siya magtingog. Aw, naghilom na lang sab ko. Igo na lang ming magtinan- Morag gisulug-sulog ko niya sa iyang pinahiyoman nako. Nakapangawot na lang ko sa akong ulo.
Tingali, nalipay sab si Maggie nga naglikay na ko kang Cliff. Basig sa hilom naglaom gihapon siya nga higugmaon siya ni Cliff. Aw, kon mahitabo ni, malipay man sab ko bisag duna koy gusto kang Cliff. Sa paniid nako, wa magtan-aw si Maggie sa kairesponsable ni Cliff sa future ani. Mao ra tingali gihunahuna ni Maggie ang iyang gugma kang Cliff.
Pagka hapon, paggawas nako sa school campus, gisugat ko ni Cliff. As usual, mapahiyumon siya.
“Ihatod tika sa inyo, Rona. Di na man motorsiklo ang akong gida’a. Awto na.”
Nagkusmod kong miatubang kang Cliff. Naglagot ko sa iyang giingon.
“Unsay pagtuo nimo nako, hangol kog awto?”
Nakapangawot sa ulo si Cliff ug nawala ang iyang pahiyom. Namuwa ang iyang nawong, Nauwaw tingali.
“Di man na ang gipasabot nako, Ron. Basig di ka mosakay og motorsiklo kay lainan ka nga nag-angkas.”
This time, seryuso na si Cliff. Wa koy tingog nga mipadayon paglakaw. Nagdali ko. Di ko gusto nga makigsultig dugay kang Cliff. Labaw na nga di ko gusto nga mosunod siya nako. Milingi ko dihang nalayo na ko. igo lang kong gitan-aw ni Cliff. Wa siya mosunod nako.
Sa didto na ko sa pikas dalan, mihunong ko. Naghuwat kog kasakyang dyip paingon sa among balay. Unya milantaw kog balik kang Cliff. Sus, nagkuyog na sila si Maggie. Gisundan ko sila sa pagtan-aw. Misulod sila sa usa ka snack bar. Sa tan-aw ko kang Maggie, malipayon kaayo siya.
Aw, ingon gyud ani ang iyang bation kay love man gyud niya si Cliff. Ang kanahan, padili-dili pa.