Na challenge nuon

Dear Papa Joe,

Ako si Ms. Moody, 23, taga dakbayan sa Sugbo. Ang akong suliran diay kay mahitungod sa akong ex. Taud taud ming nagkauyab sa akong ex, three years ming in a Relationship.

Sa una, nihangyo ko niya nga tugtan ko niya nga mag two-timer para maka two-timer pud siya. Ang akoa nga tuyo ani sa akong desisyon kay para kon ganahan siya nga mangita og lain, at least aware na ko ana. Di na kaayo ko masakitan kay ako man na nga desisyon. Nakahibaw na baya ko sa dagan sa panahon karon. Tagsa na lang ang seryoso.

Pero wa siya mosugot tungod kuno makaguba sa among relasyon. Mao to, nga wala na lang nako gipugos siya kay malisod na. Abi nako nga loyal sya naku kay imagine ha, wala siya mosugot unya walay senyales nga makabuhat siya og below the belt na kaayo. To make the long story short, usa ka adlaw ana, Papa Joe, nitawag sya nku pinaingon nga “ayaw kasuko ha? Ayaw ka lain.” Ako sad kay nangulba na ko, nisulti sab ko nga “O, di ko malain ug masuko.” Niingon dayon siya nga buwagi na lang ko kay minyo na ko. Nakamabdos ko, four months na.

Ato nga time, wa ko kahibawo sa akong ma feel. Kon mohilak ba ko or mokatawa or masuko. Pero ang tinudanay, nahadlok ko nga makita sila together as a family. Ang nakapait pa kay silingan ra kaayo ming tulo. Unya manganakay na ang girl karon nga month. Hinaot, matambagan ko nimo aron malamdagan ko. MOODY Moody,

Di sad nimo ma blame ang guy kay in the first place, ikaw ang ni initiate og sulti niya nga mag two-timer. Wa lang siya mo let go kay di pa sayon niya, pero di nimo mapapas sa iyang hunahuna nga pwede ka mangita og lain based sa imong suggestion. Mao nga dawat nalang ug move on. Salamat. PAPA JOE