NLEX, PHOENIX 3-0 ANG TUMONG
Mga duwa karon 4:15 pm- Rain or Shine batok NLEX 7:00 pm- GlobalPort batok Phoenix Parehong magpunterya sa ikatulo nilang sunodsunod nga kadaugan ang NLEX Road Warriors ug Phoenix Fuel Masters sa ilang pagpakigbatok og lainlang kontra karong adlawa sa Philippine Basketball Association (PBA) Governor’s Cup sa Araneta Coliseum.
Ang Road Warriors makigsangka sa Rain or Shine Elasto Painters sa premirong duwa sugod sa alas 4:15 sa hapon samtang ang Fuel Masters makigkontra sa GlobalPort Batang Pier.
Ang Road Warriors ug Fuel Masters pulos adunay 2-0 nga rekord nga kasamtangang nagpahiluna kanila sa sayong liderato kauban ang Meralco Bolts.
Tinuod nga taas ang moral sa Road Warriors apan batok sa Elasto Painters, gilaumang usa ka malisod nga dalan ang ilang agian. “NLEX is playing so well,” matod ni Rain or Shine coach Caloy Garcia sa interbyu sa PBA.ph.
“Their players are starting to understand the system of coach Yeng and they have an import who fits them. It’s gonna be a hard game.”
Alang kang NLEX coach Yeng Guiao, dili sayon ang pagbuntog sa Elasto Painters, nga kanhi niya gigiyahan.
“They are a tall, balanced team with a lot of seasoned players. We will be severely tested,” batbat ni Guiao. Ang NLEX gikan sa kadaugan batok sa Alaska Aces, 112104, ug Kia Picanto, 100-93.
Ang Rain or Shine, nga mosagubang sa ikaduha nilang tahas, gikan sa makutas nga kadaugan batok sa GlobalPort, 98-96.
Sa ilang bahin, ang Fuel Masters gikan sa Kia, 118-105, ug Alaska, 95-93.
Batok sa GlobalPort, ang Fuel Masters makonsiderar nga inilog.