Cebu, Danao, Lapu-Lapu inilog sa PSC table tennis sa Lacion
Gikonsiderar nga sayo nga mga inilog sa open category sa umaabot nga 1st Philippine Sports Commssion Central Visayas Invitationinal Tournament ang
table tennis players gikan sa mga dakbayan sa Sugbo ug Danao.
Ang torneyo gikatakda karong Hulyo 29-30 sa SM City Consolacion Cinema Lobby.
“Ang early favorites ani nga tournament mao ang Danao ug Cebu. Ang Lapulapu maayo sab na ang ilang players,” matod ni PSC Cebu secretary Audie Marte. Gipasabot ni Marte nga
wala siya'y ideya sa kapabilidad sa ubang mga mosalmot gikan sa ubang mga siyudad ug lungsod apan posibleng makahatod kini og surpresa sa kompetisyon, nga gipasiugdahan sa Philippine Sports Commission (PSC) for the Visayas nga gipangulohan ni Commissioner Ramon Fernandez ug Philippine Sports Institute (PSI) for the Visayas.
Ang kompetisyon nahilakip sa grassroots development program sa PSC ug PSI. Nagkanayon si Marte nga nagpadangat sab sila og imbetasyon sa siyudad sa Tagbilaran, nga naila sab nga
adunay maayong table tennis players.
Ang mga kategoriya nga naglangkob sa torneyo mao ang 12 and under boys singles, 12 and under girls singles, 17 and under boys, 17 and under girls, ug team open. Gikatakda karong Hulyo 27 ang deadline sa pagsumiter sa enrties.
Sa mga interesadong mangapil, mahimong motawag sa mga nagdumala sa torneyo nga sila si -organisar nga sila si Engr. Junji Berdon sa 0933336-9296) ug Bong Agravante sa 09287263010 ug si Marte sa 254-7291.